![Avropa Tərəfdaşlığı çərçivəsində layihələrin təqdimatı](https://turan.az/resized/media/2016/main/101000171182-750-500-resize.webp)
Avropa Tərəfdaşlığı çərçivəsində layihələrin təqdimatı
Oktyabrın 13-də Bakıda Avropa Tərəfdaşlığı çərçivəsində, Azərbaycana xüsusi diqqət yetirilməklə, birgə layihələrin ilkin yekunlarının təqdimatı keçiriləcək. Bu barədə Avropa İttifaqının Şərq Tərəfdaşlığı layihəsinin saytında deyilir.
Xüsusən, söhbət mətbuat və ifadə azadlığının yaxşılaşdırılması, korrupsiyaya qarşı mübarizə imkanlarının artırılması, ədalətli mühakimə Akademiyasının rolunun gücləndirilməsi və hakimlərin və məhkəmələrin ixtisasının artırılması üzrə dörd layihədən gedir.
Bu layihələr Azərbaycanın Avropa İttifaqı və Avropa Şurası ilə əməkdaşlığı çərçivəsində həyata keçirilib.
Bundan başqa, Şərq Tərəfdaşlığı ölkələri ilə bağlı digər 14 regional təşəbbüs təqdim ediləcək.
Sözügedən proqramlar və layihələr altı Şərq Tərəfdaşlığı ölkəsində (Azərbaycan, Gürcüstan, Ermənistan, Belarus, Ukrayna və Moldova) institutların fəal və sabit inkişafına və yerli islahatların həyata keçirilməsinə, bu ölkələrin insan hüquqları, demokratiya və qanunun aliliyi sahəsində Avropa İttifaqı standartlarına yaxınlaşmasına şərait yaratmaq, onların vətəndaşlarının həyat səviyyəsini yüksəltmək məqsədi daşıyır.
Mənbənin məlumatına görə, sözügedən məqsədlər üçün Avropa İttifaqı 30 mln. avro ayırıb.
Təqdimatın nə vaxt və harada keçiriləcəyi açıqlanmır. -02D-
-
- İqtisadiyyat
- 10 Oktyabr 2016 17:31
-
- Siyasət
- 10 Oktyabr 2016 18:14
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz