AXCP fəalını harada saxlayırlar? (YENİLƏNİB)

Bəzi məlumatlara görə, Əlixan bəy Bakıya Baş Mütəşəkkil Cinayətkarlıqla Mübarizə İdarəsinə  gətirilib.

«Əlixan bəyin nəyə görə həbs olunduğu bəlli deyil, bu barədə hər hansı məlumat verilməyib. Ehtimal olunur ki, səbəb onun sosial şəbəkədəki paylaşımlarıdır. Hər halda Əlixan bəy həbsinə səbəb olacaq hər hansı qanunsuzluq etməyib. Əlixan bəyin taleyindən narahatıq və onun dərhal azad edilməsini tələb edirik», - deyə AXCP-dən bildiriblər.-0-

*   *   *

2020 İyul 05 (Bazar) 19:17:52

AXCP fəalı saxlanıldı

Bakı/04.07.20/Turan:  Azərbaycan Xalq Cəbhəsi Partiyasının üzvü Əlixan Rəcəbli iyulun 4-də polis tərəfindən saxlanılıb. 

Bu barədə AzadlıqRadiosuna partiyadan məlumat verilib. 

Məlumata görə, Rəcəbov günorta saatlarında yaşadığı evdən Masallı Rayon Polis Şöbəsinə aparılıb. "Evinə polis gəlib bildirib ki, rəis Əlixanı görmək istəyir. Şöbəyə aparılanda bizə bu barədə məlumat verə bildi".

Partiyadan əlavə ediblər ki, Ə.Rəcəblinin saxlanma səbəbi onun sosial şəbəkələrdə aktivli ilə bağlıdır. 

Məsələ ilə bağlı Daxili İşlər Nazirliyindən münasibət öyrənmək mümkün olmayıb.-0-