Yanvırın 14-də 1 saylı Bakı İnzibati-İqtisad Məhkəməsində hakim Elçin Məmmədovun sədrliyi ilə Azərbaycan Xalq Cəbhəsi Partiyasının (AXCP) Ədliyyə Nazirliyinə qarşı məhkəmə prosesi başlanıb. AXCP-nin növbəti qurultayından sonra məlumatların dövlət reyestrinə salınmasından imtina ilə bağlı hazırlıq iclası keçirilib.
AXCP-nin 6-cı (9-cu) qurultayı 2015-ci il sentyabrın 27-də keçirilib. Qurultaydan sonra Ədliyyə Nazirliyi bu partiyanı dövlət reyestrinə salmayıb.
Azərbaycan Xalq Cəbhəsi 1989-cu ildə təsis edilib. 1995-ci ildə AXC partiya elan olunub, Azərbaycan Xalq Cəbhəsi Partiyası adlanıb. Əli Kərimli 2000-ci ildə Əbülfəz Elçibəyin ölümündən sonra AXCP-nin sədridir.
Bu gün keçirilən məhkəmədə AXCP-nin nümayəndəsi kimi vəkil Fəxrəddin Mehdiyev iştirak edib. Cavabdeh qismində Ədliyyə Naziriyinin nümayəndəsi iştirak etmədiyindən proses təxirə salınıb. Vəkil bunu həmin orqanın məhkəməyə sayğısızlığı kimi dəyərləndirərək, cavabdehin məhkəmə iclasında iştirakının təmin edilməsi zərurətini hakimin diqqətinə çatdırıb. Hakim hazırlıq iclasının fevralın 4-ü saat 15:40-da davam etdirilməsinə qərar verib. -03D-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz