İqtisad elmləri doktoru Qubad İbadoğlu valyutadəyişmə məntəqələrinin lisenziyalarının alınmasını məqbul saymır. Onun fikrincə, köklü iqtisadi islahatlar başlamasa ölkədə “qara valyuta bazarı” formalaşacaq.
İbadoğlunun Facebook səhifəsində dərc etdiyi şərhini təqdim edirik:
"Azərbaycan Mərkəzi Bankının mübadilə məntəqlərinin fəaliyyətini dayandırmaq barədə birtərəfli qaydada verdiyi qərar "qara valyuta bazarı"nın formalaşması üçün yaşıl işıq yandıracaq. Gah banklara sərbəstlik verilməsi, sonra mübadilə məntəqələrinin satışının limitləşdiriməsi və sənədləşdirilməsi, gah da yalnız bir müvəkkil banka valyuta satışı icazəsi verilməsi, sonradan isə bütün mübadilə məntəqələrinin lisenziyasının qanunsuz olaraq geri alınması və bu hüququn hava limanında və mehmanxanada təşkil olunacaq mübadilə məntəqələrinə verilməsi onu göstərdi ki, Mərkəzi Bank üzən məzənnə siyasətinə keçməyə hazır deyil.
Son günlər Mərkəzi Bankın verdiyi sistemsiz və ziddiyyətli qərarlar əhali arasında çaşqınlıq yaratmaqla yanaşı, valyuta satışı üzrə "qara bazar"ların yaranmasını və inkişafını stimullaşdırır. Hesab edirəm ki, hazırda Azərbaycan iqtisadiyyatının başlıca problemi valyutanı necə satmaq deyil, onu xaricdə qazanmaq və sərbəst şəkildə ölkəyə gətirməkdir. Buna yalnız yerli istehsalın inkişafı və onlarn ixtracatının təşviq olunması yolu ilə nail olmaq mümkündür. Bu isə hökümətin indiyə qədər həll etməli olduğu ən vacib problem idi. Təəsüflər olsun ki, son 10 ildə hökümət "papağını günə vermək"lə məşğul olub və buna baxmayaraq, hələ də inzibati tənzimləmə vasitələrindən başqa bir iş görmür. Bu isə ölkədə həm valyuta və həm də ərzaq qıtlığına gətirib çıxara bilər. İnsanlara güclə manatı sevdirmək mümkün olmayacaq, ona olan etibarı qaytarmaq üçün valyuta bazarında tələb və təklif tarazlığı ilə manatın gerçək məzənnəsi formalaşmalı, liberal islahatlar həyata keçirilməli, gizli iqtisadiyyat leqallaşmalı, inhisarçılıq və korrupsiya aradan qalxmalı, bir sözlə ölkədə azad bazar qanunları bərqərar olmaldır". -03D-
İqtisadiyyat
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
Rəy yaz