![Azərbaycan Avropa ilə münasibətlərdə energetikaya bel bağlayır](https://turan.az/resized/media/2012/main/092700012800-750-500-resize.webp)
Azərbaycan Avropa ilə münasibətlərdə energetikaya bel bağlayır
Azərbaycan Avropa İttifaqı ilə ikitərəfli münasibətlərdə Avropanın enerji təhlükəsizliyi məsələsinə istinad edir. Rəsmi Bakı avropalıları bu məsələdə rolunun vacibliyinə inandırmağa çalışır. Energetika Azərbaycanın Aİ ilə iqtisadi münasibətlərində vacib ünsürdür. Ölkənin xarici ticarət dövriyyəsinin 50%-i onun payına düşür.
Bakıda keçirilən “Körpülərin qurulması” beynəlxalq konfransda energetika nazirinin müavini Natiq Abbasov deyib ki, Azərbaycan Bakı-Tbilisi-Ceyhan, Bakı-Tbilisi-Ərzurum layihələrini vaxtında başa çatdırıb, növbə TANAP qaz kəmərinindir.
"İldə 35 mlrd m3 qaz hasil etmək, tədarük həcmini 65 mlrd kubmetrə çatdırmaq vəzifəsini qoymuşuq", deyə Abbasov bildirib. O, tranzit ölkə kimi vəzifənin öhdəsindən gəlinəcəyini deyib.
Abbasov məlumat verib ki, türkmən qazının Azərbaycan vasitəsilə Avropaya nəqli ilə bağlı Aşqabadla 7 raund danışıqlar keçirilib. "Türkmən qazının Azərbaycan vasitəsilə Avropaya nəqli üçün ərazi və texniki yardıma hazırıq", deyə o bildirib.
Azərbaycanın Gürcüstan vasitəsilə Türkiyəyə ildə 8 mlrd kVt elektrik enerjisi ixracına hazır olduğunu bildirən Abbasov deyib ki, ölkə Avropanın alternativ energetikanın inkişafı siyasətində aktiv iştirak edir.
Energetika mövzusu prioritet olaraq qalsa da, avropalı iştirakçıları maraqlandıran iqtisadiyyatın şaxələndirilmsəi məsləsinə də cavab verilib. Əgər 2010-cu ildə investisiyaların 80%-i enerji sektoruna yönəldilirdisə, indi nisbət qeyri-neft sektrounun xeyrinə dəyişib. İnvestisiyaların 70%-i onun payına düşür, deyə İqtisadi İnkişaf Nazirliyi investisiya departamentinin direktoru Sahil Babayev bildirib.
Prioritetlər kənd təsərrüfatı və turizm istiqamətinə dəyişib. Mədəniyyət və Turizm Nazirliyinin administrasiya rəhbəri Firudin Qurbanov bildirib ki, son 5 ildə otel sayı 300-dən 515-ə artıb, bunların 80%-i regionlardadır. "Avropanın 31 ölkəsi ilə əməkdaşlıq sazişlərimiz var və bütün Avropa sərgilərində fəal iştirak edirik", deyə o bildirib.
Almaniya avtomobil klubunun turizm üzrə vitse-prezidenti Maks Stiç (Max Stich) Azərbaycanın uğurlu islahatlar üçün üç üstünlüyünü göstərib. "Bunlar energetika, geostrateji vəziyyət və demoqrafiyadır. Yəni gənclərin sayı çoxdur", deyə o bildirib.
Azərbaycanın Regional İnkişaf Mərkəzinin sədri Çingiz İsmayılov qeyd edib ki, ölkə özü bir sıra xarici layihələrin investoruna çevrilsə də, Avropanın innovasiya investisiyalarında çox maraqlıdır. –0—
-
- Söz istəyirəm
- 27 Sentyabr 2012 19:32
-
- Cəmiyyət
- 28 Sentyabr 2012 10:08
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz