![Açiq mənbələrdən foto.](https://turan.az/resized/750/500/resize/media/2022/main/032600042286.webp)
Açiq mənbələrdən foto.
Azərbaycan Müdafiə Nazirliyi Qarabağda ermənilərin təxribatının qarşısının alındığını bildirib
Bakı/26.03.22/Turan: Azərbaycan Müdafiə Nazirliyi martın 26-da səhər saatlarında Qarabağda erməni hərbiçilərin silahlı hücum cəhdinin qarşısının alındığı barədə məlumat yayıb.
Nazirliyin məlumatına görə, "dumanlı hava və məhdudgörmə şəraitindən istifadə edən qeyri-qanuni erməni silahlı dəstələrinin üzvləri Azərbaycan Ordusunun bölmələrinə qarşı təxribat törətməyə cəhd göstərib".
Dərhal görülən tədbirlər nəticəsində qeyri-qanuni erməni silahlı dəstələrinin üzvləri geri çəkilməyə məcbur edilib.
Baş vermiş insident barədə Rusiya sülhməramlı kontingentinin komandanlığına və Rusiya-Türkiyə Birgə Monitorinq Mərkəzinə məlumat verilib.
"Azərbaycan Ordusunun bölmələri sırasında itki yoxdur. Əməliyyat şəraiti bölmələrimizin nəzarəti altındadır", deyə məlumatda bildirilir.
Azərbaycan Müdafiə Nazirliyi hadisənin konkret olaraq harada baş verdiyini açıqlamır.
Amma martın 26-da səhər bəzi erməni teleqram kanalları "erməni xüsusi təyinatlılarının uğurlu hücumu", guya bir gün əvvəl Azərbaycan Silahlı Qüvvələrinin ələ keçirdiyi Fərrux yüksəkliyini geri aldığı barədə məlumat yayıb.
Amma bir müddət sonra erməni birləşmələrinin komandanlıı vəziyyətin dəyişmədiyini və azərbaycanlıların daha əvvəl tutduqları mövqelərdə dayandığını bildirib.
Elə həmin mənbənin məlumatına görə, Fərrux yüksəkliyi uğrunda döyüşlərdə öldürülən ermənilərin sayı üç nəfərə çatıb. Həmin döyüşdə yaralanan 14 hərbiçidən daha biri vəfat edib. -06В-
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz