İlham Əliyev ABŞ prezidenti vəzifəsində kimi görmək istədiyinə eyham vurub

İyulun 20-də Azərbaycan Prezidenti İlham Əliyev "Yalan məlumatların ifşası: Dezinformasiyaya qarşı mübarizə" mövzusunda keçirilən II Şuşa Qlobal Media Forumunda bu ilin noyabrında ABŞ-də keçiriləcək prezident seçkilərindən  və Azərbaycan-ABŞ münasibətləri ilə bağlı suallara cavab verib.

Dövlət başçısı Rusiyanın TASS İnformasiya Agentliyinin baş direktorunun birinci müavini Mixail Qusmanın "Amerikada vəziyyət bir o qədər birmənalı deyil. Bir ay əvvəl fərqli idi. Demokrat Partiyasının vəziyyəti fərqli idi. Beləliklə, Siz Azərbaycan Prezidenti olaraq yanvarın 20-də kimin adının səsləndirilməsini istərdiniz?" sualına cavabda bildirib ki, onun bu suala  bəlkə də birmənalı cavab verməsi düzgün olmaz.

“Çalışıram ki, hər zaman istənilən auditoriya qarşısında, istər media qarşısında, istərsə də Azərbaycan ictimaiyyəti qarşısında maksimal dərəcədə səmimi fikirlərimi ifadə edim. Ancaq siyasi mədəniyyət anlayışı sizin suala birbaşa cavab verməyə imkan yaratmır. Lakin bilirəm ki, sualınız tamamilə ritorikdir, biz bir-birimizi onillərdir tanıyırıq. Tamamilə əminəm ki, siz də yaxşı bilirsiniz ki, mən kimə üstünlük verərdim. Düşünürəm ki, Azərbaycanda bu mövqedə olan yeganə şəxs mən deyiləm. Biz bu məsələyə öz nöqteyi-nəzərimzdən yanaşırıq. Qərarı Amerika xalqı verəcək. Bu, onların prezidentidir. Lakin bu eyni zamanda bütün dünya üçün xüsusi böyük əhəmiyyətə malikdir. Çünki ABŞ-nin birinci şəxsi tərəfindən verilən qərarlardan əsasən bir çox xalqların, ölkələrin taleyi asılıdır”.

Əliyev deyib ki, əsas tezislərdən biri, “Prezident Tramp davam edən kampaniya çərçivəsində səsləndirilib, müharibələr olmasın”.

“Amerikada onun hakimiyyəti dövründə Koreya, Yuqoslaviya, Vyetnam, Əfqanıstan, Liviya, İraq, Suriyada müharibələr olmayıb və bu siyahı davam edə bilər. Düşünürəm ki, buna şox böyük hörmətlə, rəğbətlə yanaşmağa dəyər. İkincin tezis, bu məsələyə çox dərin varmaq istəmirəm. Amma, digər ikinci tezis də çox əhəmiyyətlidir. Ələlxüsus ilk əvvəl ABŞ üçün və onların birbaşa təsiri altında olan ölkələr üçün mühüm olan tezis də ənənəvi dəyərlərə dair çox bariz mövqedir. Düşünürəm ki, Azərbaycan xalqının böyük əksəriyyəti bu mövqeni nəinki paylaşır, fəal şəkildə onu təcrübədə təbliğ edir. Mən daha dərinə getsəm, hər şey çox aydın olacaq. Odur ki, fikrimi bununla yekunlaşdırım", o qeyd edib.

Prezident İlham Əiliyev ABŞ vətəndaşı Ramiz Yunusun Azərbaycan-ABŞ əlaqələri haqqında sual;na da cavab verib. Yunus sualında deyib ki, noyabrda ABŞ-da seçkilər olacaq. “Mən cənab Qusman kimi seçki haqqında danışmayacam. Onun sualına çox gözəl diplomatik cavabınız oldu. Eyni zamanda Sizin həm respublikaçılar, həm demokratlarla əlaqədə yaxşı təcrübəniz var. Sizcə demokratlar və ya respublikaçılar administrasiyası ilə daha yaxşı dil tapmaq olur? Sizcə Ağ Evdə dəyişikliyin regionumuzla bağlı hansı nəticləri, dəyişiklikləri olacaq?”

Əliyev bildirib ki, Azərbaycan-ABŞ əlaqələrinin görünən tərəfindən danışdıqda Azərbaycanın respublikaçılar hakimiyyəti ilə əlaqələri nəzərəçarpacaq dərəcədə uğurlu və nəticəyönümlü olub.

“Mənim ABŞ liderləri ilə əlaqələrimə nəzər salsanız bu aydın olar. Eyni zamanda, Prezident Trampın dövründə bizim çox səmərəli əməkdaşlığımız olub. Onlar qarşılıqlı hörmət üzərində qurulmuşdur və qarşılıqlı dəstəyin yüksək qiymətləndirilməsindən ibarət idi. Bizim ABŞ-la münasibətlərimiz demək olar hər zaman sabit olub. Müəyyən enişli-yoxuşlu dövrlər olub, o da bizim günahımız deyildi. Çünki bəzən Azərbaycanda bağlı müəyyən şişirdilmiş gözləntilər olub. Digər tərəfdən onlar bizim siyasi həyatımıza müdaxilə etməyə çalışıblar, onlar siyasi müxalifəti maliyyələşdirmək cəhdləri ediblər. Birbaşa və müəyyən QHT-lər vasitəsi ilə bu cəhdlər olub. Bildiyiniz kimi Azərbaycan balaca bir ölkədir, bunu Bakıda hər kəs, hər şeyi bilir”.

Prezident həmçinin deyib ki, enişli-yoxuşlu dövrlərə baxmayaraq Azərbaycan ABŞ-la münasibətlərə strateji və vacib kimi yanaşıb.

“Biz burda mümkün qədər əlimizdən gələni etməyə çalışmışıq. Xüsusilə də bizim praktiki baxımdan sülhməramlı əməliyyatlarda iştirakımılzı nəzərdə tuturam. Onlar ilk başlayanda Azərbaycan ilk qeyri-NATO ölkəsi idi ki, Əfqanıstanda həmin əməliyyatlara qoşuldu. Əfqanıstandan Azərbaycan sonuncu çıxan ölkə oldu. ABŞ qoşunları ölkəni tərk etdi, daha dəqiq desək, oranı qoyub qaçdılar. Amma biz hələ də orada idik. Biz Türkiyə silahlı qüvvələri ilə birlikdə hava limanını tərk edən sonuncu ölkələr olduq. Bu idi bizim tərəfdaşlığımız. Əfqanıstanla bağlı onların bizə ehtiyacı var idi. Xatırlayıram ki, ABŞ-ın yüksək vəzəfəli məmurları, Müdafiə Nazirliyinin nəqliyyat komadanlığı Azərbaycana dəfələrlə səfər edirdilər. Bizə minnətdarlıq bildirirdilər ki, Azərbaycan şimal şəbəkə adlandırılan bir kooridor idi və biz onun tərkib hissəsi idik. Onu da qeyd etmək lazımdır ki, Əfqanıstana gedən əsas marşrut çox çətin marşrut idi. Ancaq Əfqanıstanda missiya başa çatdıqdan sonra onların etdikləri nə oldu? Onlar yenidən bizə qarşı sanksiyanı bərpa etdilər. Mən 907-ci düzəlişdən danışıram. Buna heç bir məntiqi əsaslandırma və izah təqdim etmədilər. Uzun illər ərzində bizim onlara qarşı etdiklərimizin, yaxşı tərəfdaş olduğumuzun müqabilində, bu da onların bizə təşəkkürüdür. Azərbyacan xalqı bu administarsiya haqqında nə düşünə bilər? Siz onlara lazım olanda yaxşı adam, yaxşı ölkə olursunuz. Sizin haqqınızda təriflər yağdırırlar, onalrın sizə ehtiyacı olmayanda nəinki sizə biganə yanaşırlar, hətta sanksiyalar tətbiq edirlər. Nəyə görə? Çünki biz suvereniyimizi və ərazi bütövlüyümüzü bərpa etmişik. Mən bunu bir neçə gün öncə Oksfordda demək olar ki, bütün liderlərə demişəm. Çünki onlar hamısı mənə Ermənistan haqqında, sülh sazişi haqqında sualalr verirdilər. Sanki Avropada bütün məsələlər həll edilib və Ermənistan-Azərbaycan məsələsi yerdə qalan yeganə problemdir”.   

Əliyev ABŞ-ın indiki administrasiyasının fəaliyyəıtindən “dərindən məyus olduğunu” bildirib.

“Bu birtərəfli yanaşmadır. Qafqazda ayrıcı xətlərin çəkilməsi olduqca təəccüblü görüş oldu. ABŞ Dövlət katibi, Avropa İttifaqının xarici işlər naizri hesab edilən ali komisarı ilə görüşdə Ermənistanın hərbi baxımdan maliyyələşdirilməsi, bilirsiniz ki, Avropa sülh mexanizmi adlandırlan bir fond var. Onun adı sülh mexanizmdir, ancaq onlar hərbi sahədə maliyyə ayırmaq məqsədi güdürlər. Bu tamamilə qəbul edilməzdir. Biz bəzən açıq ictimai şəkildə, bəzən də pərdəarxası mesajlarımızı veririk ki, Cənubi Qafqazda Azərbaycanın maraqları təmin edilməlidir, kimsə bizim maraqlarımızı görməzdən gəlməyə çalışsa, əlbəttə ki, onlar yanılacaq və uğursuzluğa düçar olacaqlar. Mən səmimi deyirəm ki, anti-Azərbaycan fəaliyyətin (ABŞ-da - red.) bir hissəsi prezident seçkiləri ilə bağlıdır. Onlar ermənilərin səslərini istəyirdilər, onlar onu təmin etmək istəyirdilər. Zənnimcə, bu, mənim fikrimdir ki, bəlkə də məqsəd məhz bundan ibarət idi. Ümid edirəm ki, seçkilərdən sonra Vaşinqtonda və Avropada Azərbaycan, bizim potensialımız, bizim rolumuz haqqında daha yaxşı anlayış olsun”.

Prezident Əliyev Trampın Vaşinqton Post və Nyu York Tayms-ı feyk-nyus adlandırdığını yada salıb.

“Təsəvvür  edin ki, Vaşinqton Post redaktorlar səviyyəsində onlarla məqalələr dərc edir, məni diktator, məni satrap adlandırırlar”, o qeyd edib.