Azərbaycan uşaqların seksual zorakılıqdan qorunması haqqında Konvensiyanı ratifikasiya edib
Баку/20.12.19/Turan: Azərbaycan uşaqların cinsi istismardan və cinsi zorakılıqdan qorunması haqqında konvensiyanı (Lanzarote Konvensiyası) ratifikasiya edən 46-cı dövlət oldu.
Cümə günü Azərbaycanın Avropa Şurasındakı daimi nümayəndəsi, səfir Fəxrəddin İsmayılov baş katibin müavini Qabriella Battaini-Draqoninin iştirakı ilə ratifikasiya sənədini təqdim edib. Azərbaycanda konvensiya 2020-ci il aprelin 1-də qüvvəyə minəcək.
Baş katibin müavini Qabriella Battaini-Draqoni deyib: “Uşaqlara qarşı seksual zorakılıq ən iyrənc cinayətdir, təəssüf ki, bu, Avropada çox yayılıb. Mən Azərbaycanın Lanzarote Konvensiyasını ratifikasiya etməsini alqışlayıram və daha çox dövlətləri bu prosesə qoşulmağa çağırıram”.
Avropada 18 yaşınadək hər beş uşaqdan biri seksual zorakılığın qurbanıdır. Lanzarote Konvensiyası qurbanların müdafiəsi və günahkarların təqib edilməsi üçün uşaqlara qarşı seksual cinayətlərin bütün növlərinin (o cümlədən
İnternetdə) kriminallaşdırılmasını dövlətin üzərinə öhdəlik kimi qoyur.
Konvensiya həmçinin ölkələrdən xahiş edir ki, seksual zəmində uşaqlara qarşı cinayətlərə dair işlər üzrə müddətin qurban yetkinlik yaşına çatdıqdan sonra effektiv araşdırmanın başlanması üçün yetərli olmasını təmin etsin.—06D-
Siyasət
-
Azərbaycan Beynəlxalq Bankının (ABB) keçmiş sədri Cahangir Hacıyev mayın 1-dən etibarən 13 saylı cəzaçəkmə müəssisəsində aclığı davam etdirir.
-
Bazar ertəsi Azərbaycan baş nazirinin müavini Şahin Mustafayevin aparatı bildirib ki, sərhəddə koordinatların dəqiqləşdirilməsi işləri çərçivəsində aparılan geodeziya ölçmələri əsasında mayın 6-dək 40 sərhəd dirəyi quraşdırılıb.
-
Ermənistan Alma-Atıdakı danışıqlarda Azərbaycanla regionda nəqliyyat infrastrukturunun və ticari marşrutların məhdudiyyətsiz açılması məsələsinin tənzimlənməsini müzakirə etmək niyyətindədir, bu barədə bazar ertəsi Ermənistan XİN başçısı Ararat Mirzoyan bildirib.
-
Mayın 6-da Bakı Ağır Cinayətlər Məhkəməsində fırıldaqçılıqda ittiham olunan ictimai fəal Rail Abbasovun işi üzrə proses davam edib.
Rəy yaz