![Azərbaycan və İran sərhəd xidmətləri arasında əməkdaşlığın gücləndirilməsinə dair razılıq əldə olunub](https://turan.az/resized/750/500/resize/media/2016/main/030900149337.jpg)
Azərbaycan və İran sərhəd xidmətləri arasında əməkdaşlığın gücləndirilməsinə dair razılıq əldə olunub
Martın 9-da Bakıda Azərbaycan və İran sərhəd qoşunları komandanları Elçin Quliyevlə Qasım Rezainin görüşündə iki ölkə arasında sərhəd təhlükəsizliyinin təminatı məsələləri müzakirə olunub. Azərbaycan Sərhəd Xidmətinin məlumatında deyilir ki, tərəflər sərhəd-buraxılış məntəqələrinin fəaliyyətinin bərpası, Xəzərdə qanunsuz fəaliyyət, qeyri-leqal miqrasiya və qaçaqmalçılıq, qanunsuz narkotik maddə və silah dövriyyəsinə qarşı mübarizə məsələlərini müzakirə ediblər.
Tərəflər sadalanan məsələlərlə bağlı informasiya və təcrübə mübadiləsinə hazır olduqlarını bildiriblər.
Həmçinin “Şimal-Cənub” beynəlxalq nəqliyyat dəhlizi və Astara-Astara dəmir yolunu inşası baxımından əməkdaşlığın genişləndirilməsindən danışılıb.
İran nümayəndə heyətinin səfəri çərçivəsində Q.Rezai sərhəd qoşunları aparatının bölmələri və bir sıra hərbi obyektlərin fəaliyyəti ilə tanış olub.
Qeyd edək ki, Rusiya Sərhəd Xidmətinin komandanı general Vladimir Kulişovun səfəri barədə heç nə deyilmir. Bundan öncə bəyan edilib ki, Bakıda Azərbaycan, İran və RF sərhəd qoşunları komandanlarının üçtərəfli görüşü olacaq.-16D-
-
- Siyasət
- 9 Mart 2016 17:03
-
- İqtisadiyyat
- 9 Mart 2016 17:29
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz