Azərbaycan vətəndaşları azad edilib ya yox?

Bu il aprelin 30-da İranda həbs edilən Azərbaycan ədəbiyyatşünası Xalidə Xalidin və sürcüsü Şamxal Hüseynovun Azərbaycan tərəfə təhvil verilməsilə bağlı xəbərlər özünü doğrultmur. Bu haqda Turan-a məlumatlı mənbə bildirib.

Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə bu il mayın 18-dən 21-dək İrana davam edən səfərində bu ölkənin yüksək rütbəli şəxslərlə görüş keçirib. İran mətbuatı bu görüşlər gedən zaman Azərbaycanın hər iki vətəndaşının azad olunması haqda xəbər yayıb. Amma bu şəxslərin azad olunması haqda Azərbaycan nümayəndə heyətinə nə İran rəsmilərindən, nə də Azərbaycanın bu ölkədəki diplomatik korpusundan rəsmi informasiya verilməyib.

Bu insanların həbsdən azad olunmasını şahid olaraq heç kəs öz gözü ilə görməyib. 

Digər tərəfdən Azərbaycanın bu iki vətəndaşın nümyəndə heyətilə birgə Azərbaycana qayıdacaqları da əsassız olub. Belə ki, QMİ sədrinin başçılıq etdiyi nümayəndə heyəti Azərbaycana Məşhəddən qayıdıb. Amma istər X.Xalidin, istərsə də sürücüsü Şamxal Hüseynovun hansı həbsxanada saxlanması haqda İran tərəf heç bir açıqlama verməyib. 

Mənbə bu iki şəxsin azad olunması haqda xəbəri daha çox şaiyəyə bənzədib. Belə ki, İran XİN mətbuat xidmətinin Azərbaycan tərəfdən Bakıda həbsdə olan Ərdəbil valiliyininin əməkdaşı Kazım Hüseyinin azad olunması tələbini səsləndirib. Buna isnadən mənbə İranın Azərbaycanla “azad et, azad edim” oyunu oyandığını iddia edib.

Son olaraq, İranın Azərbaycanda səfiri Möhsün Pakayin hər iki şəxsin Azərbaycanın Təbriz konsulluğuna təhvil verildiyini desə də, Azərbaycan XİN bu informasiyanı təkzib edərək, belə bir faktın qeydə alınmadığını söyləyib. -05B/D-