Açiq mənbələrdən foto.
Azərbaycan Xarici İşlər Nazirliyi: Ermənistanın ağır cinayətlərdə ittiham olunan separatçıları müdafiə etməsi qəbuledilməzdir
Bakı/04.10.23/Turan: Azərbaycan Xarici İşlər Nazirliyi həbs edilmiş Qarabağ separatçılarının müdafiəsilə bağlı Ermənistan xarici siyasət idarəsinin bəyanatını qətiyyətlə pisləyib.
Bakı hesab edir ki, Ermənistanın belə mövqeyi Yerevanın on illərdir Azərbaycana qarşı yürütdüyü təcavüzkar siyasətdən əl çəkmədiyini nümayiş etdirir.
Azərbaycana qarşı təcavüz, separatizmin təşviqi, terror aktları, müharibə və digər ağır cinayətlərin törədilməsi faktları üzrə ittiham olunan şəxslərin həbsinin legitimliyinin şübhə altına alınması qəbuledilməzdir.
Ermənistanın Birləşmiş Millətlər Təşkilatı Beynəlxalq Məhkəməsində əvvəlki uğursuzluqlarına baxmayaraq, Azərbaycana qarşı yeni iddialar irəli sürmək cəhdləri onun sülhə nail olmaq və Azərbaycanla münasibətləri normallaşdırmaq prosesində maraqlı olmadığını təsdiqləyir.
Ermənistanın bu cür fəaliyyəti bölgədə sülhün, təhlükəsizliyin və ədalətin bərqərar olmasına əsas təhdid mənbəyidir, Azərbaycan Xarici İşlər Nazirliyi qeyd edib. 06В
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz