Azərbaycan Xəzəryanı ölkələrin iqtisadi əməkdaşlığının gücləndirilməsinin tərəfdarıdır - Əli Əsədov
Bakı/06.10.22/Turan: Azərbaycan Xəzəryanı ölkələrin ticari-iqtisadi əməkdaşlığının gücləndirilməsinin tərəfdarıdır, bu barədə Azərbaycanın baş naziri Əli Əsədov cümə axşamı Moskvada İkinci Xəzər İqtisadi Forumunun plenar iclasında çıxışında bildirib.
Onun sözlərinə görə, 2022-ci ilin 8 ayı ərzində Azərbaycanın Xəzəryanı dövlətlərlə ticarət dövriyyəsi ötən illə müqayisədə 45% artıb.
Əsədov Azərbaycanın Xəzərdən keçən "Şərq-Qərb" və "Şimal-Cənub" beynəlxalq nəqliyyat dəhlizlərinin həyata keçirilməsinə və inkişafına böyük töhfə verdiyini qeyd edib.
Cari ilin 8 ayı ərzindən Azərbaycandan "Şərq-Qərb" dəhlizi ilə tranzit yük daşımaları 20%, "Şimal-Cənub" dəhlizi ilə tranzit yük daşımaları isə 33% artıb.
Azərbaycan Bakı Beynəlxalq Ticarət Limanının yükkeçirmə qabiliyyətinin ildə 15 milyon tondan 25 milyon tona qədər artırılması üzərində işləyir.
Sentyabrın 9-da Bakıda Azərbaycan, Rusiya və İran arasında "Şimal-Cənub" dəhlizi ilə bağlı ilk üçtərəfli görüş keçirilib. Tərəflər 2030-cu ilə qədər Şimal-Cənub dəhlizi ilə tranzit səviyyəsinin ildə 15 milyon tona çatdırılması üzərində işləməyə hazır olduqlarını bildiriblər.
Əsədov qonşu ölkələrə Azərbaycanın mülki yük donanmasının imkanlarından istifadə etməyi təklif edib. Bundan başqa, Xəzəryanı ölkələr Bakı Gəmiqayırma Zavodunun imkanlarından yararlana bilərlər. 06В
-
- İqtisadiyyat
- 6 Oktyabr 2022 16:49
-
- Böyük Şərq
- 6 Oktyabr 2022 18:01
Siyasət
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
Rəy yaz