![Azərbaycana təzyiq göstərərək, Qarabağa müstəqillik verməyi tələb edirlər – Əliyev](https://turan.az/resized/750/500/resize/media/2016/main/100700170981.jpg)
Azərbaycana təzyiq göstərərək, Qarabağa müstəqillik verməyi tələb edirlər – Əliyev
Prezident İlham Əliyev hesab edir ki, Qarabağda aprel döyüşləri “Azərbaycanın böyük hərbi qələbəsi” oldu. Azərbaycan SQ Ağdərə, Fizuli və Cəbrayıl rayonlarının 2 min hektardan çox ərazisini azad etdi və daha böyük ərazi Azərbaycan SQ-nin nəzarəti altına keçdi, deyə İlham Əliyev Nazirlər Kabinetinin cümə günü keçirilən iclasında bildirib.
Amma ermənilər sülh istəmirlər və onların böyük himayədarları var. Biri pul verir, digəri silah, üçüncüsü mənəvi olaraq dəstəkləyir – problemin həll olunmamasının səbəbi budur, deyə o, sözünə davam edib.
“Yəqin ki, siz Amerikadan son bəyanatları eşitmisiniz. Bu, yumşaq desək, təəccüb doğurur. Problemin həll olunmamasında bizi ittiham etmək və hər iki tərəfin təqsirli olduğunu demək ədalətsizlikdir”, deyə Əliyev qəzəblənib.
“Biz bu cür bəyanatları təkzib edirik və onlar yüksək səviyyədə düzəldilməlidir, əks halda vasitəçilik missiyası şübhə doğuracaqdır”, deyən Əliyev daha sonra sensasiya doğuran bəyanat səsləndirib.
“Bağlı qapılar arxasında Dağlıq Qarabağın müstəqilliyinin tanınmasına razılıq verməyimiz üçün bizə təzyiq göstərilir”, deyə o bildirib.
Əliyev hesab edir ki, Qərb KİV-lərində və beynəlxalq təşkilatlar tərəfindən bütün tənqidlər Azərbaycan Qarabağa müstəqillik verməkdən imtina etdiyi üçün gəlir. “Bu, heç vaxt olmayacaq”, deyə Əliyev qeyd edib. -02D-
-
- Siyasət
- 7 Oktyabr 2016 18:06
-
- İqtisadiyyat
- 7 Oktyabr 2016 18:32
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz