Azərbaycanda İnternetdə ifadə azadlığı məhdudlaşdırılır

Qanunvericiliyə İnternetdə böhtan və təhqirə görə cinayət məsuliyyəti müəyyən edən düzəlişlər baxılması üçün Milli Məclisə təqdim edilib.

Parlament mənbələrindən Turan-a məlum olub ki, düzəlişlər artıq mayın 7-8-də parlamentin iclasına çıxarıla bilər.

Belə ki, baş prokurorluq qanunvericilik təşəbbüsü qaydasında CM-in 147 (böhtan) və 148-ci (təhqir) maddələrinə düzəlişləri təqdim edib.

Layihəyə əsasən, böhtana aşağıdakı tərif verilir - yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirmək. 

Bu zaman cəzalar dəyişməz olaraq qalır – 100 manatdan 500 manata qədər cərimə və ya 240 saata qədər ictimai işlər, yaxud 1 ilə qədər islah işləri və ya 6 ay müddətinə azadlıqdan məhrumetmə.

148-ci maddəyə təklif edilən düzəlişə əsasən, təhqir, yəni kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirildiyi halda internet informasiya ehtiyatında şəxsiyyətin şərəf və ləyaqətini nalayiq formada qəsdən alçaltmaya görə 300 manatdan 1000 manata qədər cərimə və ya 240 saatadək ictimai işlər və ya 1 ilədək islah işləri və ya 6 ayadək azadlıqdan məhrumetmə ilə cəzalandırılacaq.

Media hüquqları sahəsində müstəqil ekspert Ələsgər Məmmədli bu düzəlişləri Turan-a şərh edərkən qeyd edib ki, yeniliklərin mənası aydın deyil. 

Belə ki, KİV haqqında qanuna əsasən, İnternet artıq KİV-ə aid edilib. Buna görə KİV üçün məsuliyyət tədbirləri İnternetə də aid idi.

Qanun layihəsinin müəllifləri böhtana və təhqirə görə məsuliyyət daşıyan subyektlər dairəsini xəbər saytları ilə məhdudlaşdırmaq istəyirdilərsə, sənəddə elə belə də yazılmalı idi. Lakin hazırki redaksiyada bütün İnternet resursları, o cümlədən sosial şəbəkələr sanksiya altına düşür.

Eyni zamanda, Məmmədli hesab edir ki, İnternetdə böhtana və təhqirə görə cinayət təqibi mexanimzləri çox mürəkkəbdir, belə ki, xaricdəki istifadəçiləri müəyyən etmək və məsuliyyətə cəlb etmək çətindir. Az domeni zonasında nəzarət müəyyən mənada mümkündürsə, hüquq-mühafizə orqanlarının xarici və beynəlxalq domenlər üzərində nəzarəti yoxdur.

Ekspert qanun layihəsinin istifadəçilərə psixoloji təsir və onlarda İnternetdə ifadələrin nəticələri ilə bağlı qorxu yaratmaq məqsədilə işlənib hazırlanıb. -06D-