Azərbaycanda vətəndaşlıq dəyəri indeksi �QNİ aşağıdır

London/20.04.18/Turan: Dünya vətəndaşlıqları indeksinin (The Henley & Partners - Kochenov Quality of Nationality Index, QNI) yaradıcıları

2013-cü ildən 2017-ci ilədək olan dövrdə müxtəlif göstəricilər əsasında dünya ölkələrinin vətəndaşlıq reytinqini açıqlayıb.

Reytinqdə birinci yer Fransanındır (81.7%). Ötən ilki reytinqlərin lideri Almaniya ikinci yerdədir (81,6%). Indeksin ilk onluğundakı ölkələr demək olar ki, dəyişməyib: İslandiya, Danimarka, Niderland, Norveç, İsveç, Finlandiya, İtaliya, İrlandiya, İsveçrə, Avstriya. Yeganə dəyişiklik - İrlandiya İspaniyanı əvəzləyərək 11-ci yeri tutub. Siyahını Əfqanıstan (14,6%) və Somali (13,4%) tamamlayır.

2017-ci ilin reytinqində Azərbaycan vətəndaşlığı 28,3% alaraq əvvəlki ilin göstəricisini təkrarlayıb. Ümumi reytinqdə Azərbaycan 110-cu yeri Tunis ilə bölüşüb.. Ötən il ölkə 107-ci yeri tutub. Beş il ərzində Azərbaycan vətəndaşlığının index göstəricisi 0,5% pisləşib.

Gürcüstan və Ukrayna il ərzində vətəndaşlığın artdığı ölkələr olublar. Onlar reytinqdə müvafiq olaraq 20 və 19 mövqeyə yüksəliblər. Əsas səbəb Şengen zonası ölkələrinə vizasız giriş əldə etməkdir.

Ölkə iqtisadiyyatına investisiya vasitəsilə vətəndaşlıq əldə etməyin mümkün olduğu ölkələr ənənəvi olaraq reytinqdə yüksək mövqe tuturlar. Onların arasında Avstriya vətəndaşlığı üstünlük təşkil edir (78.9% göstərici ilə 10-cu yer) var. Malta 74.9% göstərici ilə 23-cü yeri, Kipr 73.3% göstərici ilə sonrakı yeri tutur.

"QNI indeksi konkret ölkənin vətəndaşlıq dəyərinin qiymətləndirilməsinə imkan verir. Vətəndaşlıq səyahət azadlığına, biznesin inkişafı perspektivlərinə, təhlükəsizliyə, özünü tanıtmaq üçün həyat şəraiti və imkanlara birbaşa təsir göstərir" - Kristian Kelin bildirib.

Zəif vətəndaşlıq ciddi maneədir və bu, pasport sahibinin həyatını kardinal şəkildə dəyişə bilər. Bəzən vətəndaşlıq əsassız olaraq bizim potensial və ambisiyaları məhdudlaşdırır. İstedadlı və qabiliyyətli insanlar doğulduqları ölkənin girovlarına çevrilirlər".

QNI bu və ya digər vətəndaşlığın keyfiyyət göstəricilərinə təsir edən həm daxili amilləri (iqtisadiyyatın miqyası, insan potensialının inkişafı, ictimai asayiş və sabitlik), həm də xarici amilləri (müvəqqəti səfərlər üçün vizasız giriş, başqa ölkələrdə vizasız yaşamaq və işləmək imkanları) nəzərə alan ilk reytinqdir.

QNI hər vətəndaşlığın imkanları və məhdudiyyətlərinə dair obyektiv mənzərənin təqdimatı üçün statistik məlumatları təhlil edir.

Dünya Bankı, Beynəlxalq Hava Nəqliyyatı Assosiasiyası, İqtisadiyyat və Sülh İnstitutunun məlumatlarının birləşməsi Henley & Partners ilə birlikdə professor Koçenovun əməyinin məhsuludur.

Kristian Kelin - immiqrasiya və vətəndaşlığın hüquqi aspektləri üzrə mütəxəssis, həmçinin Henley & Partners şirkətlər qrupunun sədridir.

Dmitri Koçenov - Qroninqen Universitetində (Niderland) Aİ konstitusiya hüququ üzrə professordur. İnvestisiya üzrə Miqrasiya Şurasının (İsveçrə) sədridir. Vətəndaşlıq və Aİ konstitusiya hüququ məsələləri üzrə hökumətlər, Avropa institutları və beynəlxalq təşkilatlarla məsləhətləşmələr aparır.-02D-