![Kelbajar Mass Grave Site](https://turan.az/resized/750/500/resize/media/2021/main/052100033167.jpg)
Kelbajar Mass Grave Site
Azərbaycanın ermənilərin hərbi cinayətləri barədə məktubu BMT-nin sənədi kimi yayılıb
Bakı/21.05.21/Turan: 1993-cü il aprelin 3-də Kəlbəcər rayonunun Başlıbel kəndində ermənilərin törətdikləri kütləvi qətllərlə bağlı Azərbaycan xarici işlər naziri Ceyhun Bayramovun göndərdiyi məktub Birləşmiş Millətlər Təşkilatı Baş Assambleyasının və Təhlükəsizlik Şurasının sənədi kimi yayılıb. Bu barədə mayın 21-də Azərbaycan Xarici İşlər Nazirliyinin yaydığı məlumatda deyilir.
Məlumata görə, məktub Azərbaycan Baş Prokurorluğu tərəfindən hazırda aparılan cinayət işinin ilkin nəticələrinə əsasən hazırlanıb.
Ceyhun Bayramov məktubunda Ermənistan Silahlı Qüvvələrinin müharibə cinayətləri, insanlığa qarşı cinayətlər törətməsi barədə Azərbaycanın aidiyyatı qurumlarının əlavə məlumatlara malik olduğunu diqqətə çatdırıb.
Məktubda vurğulanır ki, kəndi tərk edə bilməyən 62 nəfər təxminən 3 kilometr aralıda, kəndin ən hündür hissəsində yerləşən “Portda” adlı ərazidəki təbii mağaralara sığınıblar. 1993-cü il aprelin 18-də ermənilərin bu yerləri aşkar edərək 1-i uşaq və 1-i yeniyetmə olmaqla 12 nəfəri qəsdən öldürdükləri barədə məlumatlar var.
Nazir məktubunda bildirir ki, Ermənistan hələ 1991-1994-cü illər müharibəsi zamanı itkin düşən 4000-dən çox azərbaycanlının barəsində bu günədək hər hansı məlumat verməkdən imtina edir. -05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz