![Bakı erməni döyüşçüyə büst qoyulması ilə əlaqədar Tbilisiyə etirazını bildirib](https://turan.az/resized/750/500/resize/media/2019/main/012400016373.jpg)
Bakı erməni döyüşçüyə büst qoyulması ilə əlaqədar Tbilisiyə etirazını bildirib
Bakı/24.01.19/Turan: Azərbaycan Xarici İşlər Nazirliyi Azərbaycan ərazilərinin işğalında iştirak etmiş Mixail Avaqyana Gürcüstanın Axalkalaki bələdiyyəsi tərəfindən Buqaşen qəsəbəsində büst qoyulmasına münasibət bildirib. Bu barədə Azərbaycan XİN-in mətbuat xidməti bildirib.
Məlumata görə, Azərbaycanın Gürcüstandakı səfiri bu ölkənin XİN-indən görüş istəyib, görüşdə Azərbaycan tərəfin etirazını diqqətə çatdırıb.
"Eyni zamanda, Gürcüstanın ölkəmizdəki səfiri Xarici İşlər Nazirliyinə dəvət edilərək, ölkələrimiz arasında mövcud olan ikitərəfli strateji tərəfdaşlıq münasibətlərinin ruhuna cavab verməyən bu halın aradan qaldırılmasına dair təxirəsalınmaz tədbirlərin görülməsi tələb edilib", deyə məlumatda bildirilir.
Avaqyanın abidəsinin açılışı yanvarın 20-də olub. Mərasimdə Axalkalaki meri, yerli Sakrebulonun sədri, Gürcüstan parlamentinin deputatları Enzel Mkoyan və Samvel Manukyan və Ermənistanın Gürcüstandakı səfiri Ruben Sadoyan iştirak edib.
Avaqyan Horadiz, Xocalı, Qadrut və Füzulidə hərbi əməliyyatlarda iştirak etmiş "qəhrəman" kimi təqdim edilib. O, Horadiz (Azərbaycanın Füzuli rayonu) uğrunda döyüşlər zamanı ölümcül yaralanıb.
Beləliklə, Avaqyan Azərbaycan ərazilərinin işğalının fəal iştirakçısı olub. Buna görə onun abidəsinin quraşdırılması Azərbaycanın ərazi bütövlüyünü tanıyan Gürcüstanın dövlət siyasətinə ziddir. -06D-
-
- İqtisadiyyat
- 24 Yanvar 2019 15:41
-
- Makroiqtisadiyyat
- 24 Yanvar 2019 15:55
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz