Prezidentlər İlham Əliyev və Ebrahim Raisi
Bakı və Tehranın maraqlarının üst-üstə düşdüyü format
Bakı/23.12.21/Turan: Transregional qüvvələrin regionun işlərinə qarışmağa haqqı yoxdur –İran və Azərbaycanın ümumi mövqeyi belədir. Çərşənbə günü Bakıda prezident İham Əliyevlə İranın xarici işlər naziri Əmir Abdullahianın görüşünün əsas leytmotivi budur.
3+3 formatı (Azərbaycan-Ermənistan-Gürcüstan + Rusiya, Türkiyə-İran- red.) regionda sabitliyə və sülhə xidmət edir, o deyib və əlavə edib ki, “transregional qüvvələrin regionun işlərinə qarışmağa haqqı yoxdur və region ölkələri öz problemlərini özləri həll edə bilər”.
Öz növbəsində İlham Əliyev deyib ki, Bakı siyasi, iqtisadi və mədəni sahələrdə əlaqələri genişləndirmək istəyir, iki ölkə arasında mühüm layihələr isə başa çatdırılmalıdır.
"Regional məsələlər region ölkələri tərəfindən həll olunmalıdır və biz regiona daxil olmayan ölkələrin regional məsələlərə cəlb olunmasının əleyhinəyik", - İranın dövlət KİV-ləri Əliyevdən sitat gətirir.
Qeyd edək ki, Azərbaycan tərəfinin rəsmi məlumatlarında transregional qüvvələr və ya ölkələrin adı çəkilmir.
Belə olan halda xarici qüvvələrin regionda proseslərə iştirakı və ya müdaxiləsi Ermənistan-Azərbaycan münaqişəsində mümkündür. Konkret desək, söhbət Fransa və ABŞ-ın potensial müdaxiləsindən gedir.
Bu məsələdə Bakı və Tehran müttəfiq ola bilər. İranın azad edilmiş ərazilərin bərpası və yeni kommunikasiyaların açılması layihələrində iştirakı bu ittifaqı möhkəmləndirər.
Görünür, Tehran üçün vacib olan digər bir məsələ – şimal və Qara dənizə ticarət dəhlizinin olması məsələsi də həll olunur. Bu, Ermənistanın yol infrastrukturuna böyük investisiyalar qoyulmasını vacibliyini aradan qaldırır.-02B-
-
- Söz istəyirəm
- 23 Dekabr 2021 10:44
-
- Siyasət
- 23 Dekabr 2021 11:27
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz