Bakıda Britaniya Ticarət və Sənaye Palatası açılıb və təhsil sahəsində fəaliyyət planı imzalanıb

Bakı/21.05.21/Turan: Mayın 21-də Bakıda Britaniya Ticarət və Sənaye Palatasının açılışı olub. Açılış mərasimində Böyük Britaniyanın ixracat naziri Qraham Stüart iştirak edib.

“Azərbaycanda ilk Britaniya Ticarət və Sənaye Palatasının açılışında bu vacib anı yaşamaq çox gözəl hissdir. Britaniya-Azərbaycan ikitərəfli ticarət əlaqələri daha da güclənir”, -  Qraham Stüart qeyd edib.

Bu gün həmçinin Böyük Britaniya ilə Azərbaycan arasında təhsil sahəsində fəaliyyət planı imzalanıb.

İmzalanma mərasimində nazir Qraham Stüart və səfir Ceyms Şarp iştirak ediblər.

“Təhsil sahəsində Böyük Britaniya ilə Azərbaycan arasında əməkdaşlıq sürətlə inkişaf edir. Azərbaycan Təhsil Nazirliyi ilə British Council arasında fəaliyyət planının imzalanması Azərbaycanda keyfiyyətli təhsilin təmin olunmasına dəstək vermək üçün Britaniya təcrübəsini daha çox yayacaq”,- səfir Şarp qeyd edib. -03-