Açiq mənbələrdən foto.
Bakıda Venesiya Komissiyasının media haqqında yeni qanuna dair rəyindən narazıdırlar
Bakı/21.06.22/Turan: Azərbaycan Medianın İnkişafı Agentliyi (MEDİA) Avropa Şurası Venesiya Komissiyasının Azərbaycanın media haqqında qanununa dair rəyini tənqid edib. Agentliyin şərhində Komissiyanın nəticələrilə razılaşmadığı ifadə edilib.
Əsasən Agentlik bildirir ki, qanun layihəsi KİV nümayəndələrinin və cəmiyyətin müxtəlif seqmentlərindən olan ekspertlərin iştirakı ilə "dəfələrlə" müzakirə olunub.
Qanun "təkcə ölkə daxilində deyil, həm də onun hüdudlarından kənarda" jurnalistlərin peşə fəaliyyətinin müdafiəsinə yönəlib.
Agentlikdə iddia edirlər ki, qanun KİV-in xarici şəxslər tərəfindən təsis edilməsini və maliyyələşdirilməsini istisna etmir, lakin nizamnamə kapitalında onların iştirak payını müəyyən edir.
Həmçinin bildirilir ki, çap və onlayn KİV-in qeydiyyatı deklarativ xarakter daşıyır ki, bu da lisenziyalaşdırma proseduru ilə eyniləşdirilməməlidir.
Jurnalistlərin reyestrə daxil edilməsinə gəlincə, bu, könüllü xarakter daşıyır. Reyestrə daxil olmayan jurnalistlərə qarşı hər hansı məhdudiyyətlərin tətbiqi nəzərdə tutulmayıb.
Bundan əlavə, Agentlik göstərir ki, cinayət haqda informasiyanın yayılmasına qadağa yalnız ibtidai istintaqa aiddir.
Agentlik təəssüflənir ki, bəzi KİV-lər "ictimai rəyin çaşdırılması" məqsədilə Venesiya Komissiyasının rəyi qərəzli şəkildə işıqlandırıblar ki, bu da Azərbaycanda islahatlara qeyri-obyektiv münasibətdir.
Öz növbəsində, Azərbaycan Audiovizual Şurası öz şərhlərində qeyd edir ki, lisenziyalaşdırma tezliklər vasitəsilə yayıma aiddir. İnternetdən yayımlanan platformalara, həmçinin platforma operatorlarına (kabel yayımçıları da daxil olmaqla) lisenziyalar müsabiqəsiz veriləcək.
Audiovizual Şurası lisenziyaların geri alınması ilə bağlı ona geniş səlahiyyətlərin verilməsi barədə tənqidi rədd edərək qeyd edib ki, istənilən halda subyektlərin məhkəməyə şikayət etmək hüququ olacaq.
Qeyd edək ki, Avropa Şurasının Venesiya Komitəsinin rəyinə dair rəsmi press-relizində birmənalı olaraq vurğulanıb ki, "Azərbaycanda media haqqında qanunun bir çox müddəaları fikri ifadə etmək azadlığı və KİV azadlığı üzrə Avropa standartlarına uyğun deyil və buna görə də qanun hazırkı formada tətbiq olunmamalıdır". 06B
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz