Shahin Mustafayev and Mher Grigoryan.
Bakının ardınca Yerevan da sərhəddəki görüşün konstruktiv keçdiyini bildirib
Bakı/27.05.22/Turan: Ermənistan və Azərbaycanın sərhədin delimitasiyası və təhlükəsizliyi üzrə milli komissiyalarının mayın 24-də iki ölkənin sərhədində keçirilən görüşü konstruktiv keçib. Bu barədə cümə günü TASS-ın müxbirinə Ermənistan komissiyasının sədri, baş nazirin müavini Mqer Qriqoryan bildirib.
"Biz bu görüşdə müstəsna olaraq gələcək birgə işin təşkilati məsələlərini müzakirə etdik və bu mənada görüşü tamamilə konstruktiv hesab edirəm. Delimitasiya və sərhədlərin təhlükəsizliyi məsələləri üzrə komissiyaların növbəti görüşünün tarixi ilə bağlı hələlik razılaşma yoxdur, amma görüşün Moskvada keçiriləcəyi təsdiq edilib", deyə o qeyd edib.
Qriqroyan gələn həftə Moskvada Ermənistan, Rusiya və Azərbaycan baş nazirlərinin birgə sədrliyi ilə regionda nəqliyyat əlaqələrinin və iqtisadi əlaqələrin açılması məsələləri üzrə üçtərəfli işçi qrupun iclasının keçiriləcəyini təsdiq edib.
Qeyd edək ki, bir gün əvvəl Azərbaycan XİN başçısı Ceyhun Bayramov da baş nazir müavinləri Şahin Mustafayevin və Mqer Qriqoryanın görüşünə müsbət qiymət verib.
Qeyri-rəsmi məlumatlara görə, görüş Naxçıvan Muxtar Respublikası və Ermənistanın Ararat vilayətinin sərhədində yerləşən Sədərək yaşayış məntəqəsi yaxınlığında baş tutub.
2002-c ildə iki ölkənin prezidentləri Heydər Əliyev və Robert Koçaryan da burada görüşmüşdü. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz