Bazar günü Fəvvarələr Meydanında əsgər ölümlərinə etiraz olaraq keçirilən aksiyanın 12 iştirakçısının işi bazar ertəsi Səbayel Rayon Məhkəməsinə veriləcək. Bu barədə Turan-a AXCP-dən məlumat verilib. Onlar Səbayel polisində saxlanılırlar.
Digər 30 nəfər, o cümlədən jurnalist Xədicə İsmayılova Səbayel Polis İdarəsindən Qobustana (Bakının 60 km. cənub-qərbində) aparılıb və adamsız yerlərdə avtobusdan endirilib.
Həmçinin Yasamal Rayon Polis İdarəsinə aparılmış 54 nəfər buraxılıb.
Eyni zamanda saxlanılmış Hüquqi Maarifləndirmə Cəmiyyətinin rəhbəri İntiqam Əliyev bildirib ki, 56 nəfər Yasamal Rayon Polisinə aparılıb. 54 nəfər heç bir xəbərdarlıq olunmadan, hətta qeydiyyata alınmadan buraxılıb. Lakin saxlanılanların ikisini, o cümlədən “Respublika alternativi” hərəkatının məclis rəhbəri Erkin Qədirlini Yasamal polisindən Səbayel Rayon Polisinə aparıblar.
Aksiya bir qrup gənc fəal tərəfindən facebook sosial şəbəkəsi vasitəsilə təşkil olunub. Polis suvuranlardan və digər xüsusi vasitələrdən istifadə edərək aksiyanı dağıdıb.—06D--
Siyasət
-
Fevralın 6-da Vaşinqtonda Ermənistanın baş naziri Nikol Paşinyan ABŞ-ın vitse-prezidenti Ceyms Vensla görüşüb.
-
Dövlət başçısının 7 fevral tarixli sərəncamı ilə Anar Əliyev əmək və əhalinin sosial müdafiəsi naziri təyin edilib. Bundan əvvəl nazir müavini olub.
-
Azərbaycanın “Azel” TV saytının rəhbəri, Bakının sorğusu əsasında Gürcüstanda həbs edilmiş Əfqan Sadıqov fevralın 2-də başladığı quru alcığı fevralın 6-da dayandırıb. Lakin əvvəlkitək yeməkdən imtina edir və ancaq su içir. Onun aclığı 142 gündür ki, davam edir, fevralın 7-də xanımı Sevinc Sadıqova Turan agentliyinə bildirib.
-
Rusiya prezidenti Vladimir Putin Azərbaycanın AZAL aviaşirkətinə məxsus təyyarənin qəzaya uğramasına dair bəyanatla çıxış etməyi planlaşdırmır. Bu barədə cümə günü Rusiya prezidentinin mətbuat katibi Dmitri Peskov jurnalistlərə bildirib.
Rəy yaz