Bazar ertəsi Berlində Almaniya və Azərbaycan XİN arasında siyasi məsləhətləşmələr başlayır və martın 14-dək davam edəcək.
Danışıqlarda Azərbaycan nümayəndə heyətinə xarici işlər nazirinin müavini Xələf Xələfov rəhbərlik edir.
O, səfər çərçivəsində bir sıra ikitərəfli görüşlər keçirəcək. Bu barədə Azərbaycan XİN mətbuat xidməti məlumat yayıb.
Qeyd edək ki, ikitərəfli siyasi məsləhətləşmələr son iki ildə Almaniyanın bir sıra siyasətçiləri və KİV tərəfindən Azərbaycanda insan hüquqlarının vəziyyətinin tənqid olunması ilə bağlı rəsmi Bakının narazılığı fonunda keçirilir.
Rəsmi Bakının nümayəndələri Almaniya XİN-in insan hüquqları üzrə səlahiyyətli nümayəndəsi Markus Leninqin bəyanatlarından hiddətləndiklərini bildiriblər və Almaniyanın özünü insan hüquqlarını pozmaqda ittiham ediblər. Bir sıra hökumətyönlü və bəzi QHT bu fürsətdən istifadə edib.
Əlavə qıcıq amili Azərbaycan hakimiyyətinin ölkəyə buraxmaq istəmədiyi AŞPA-nın siyasi məhbuslar üzrə məruzəçisi Kristofer Ştrasser olub.
Son nəticə olaraq, 2013-cü ilin yanvar sessiyasında Ştrasserin hesabatı qəbul olunmayıb. Lakin bu vaxta qədər hakimiyyət onun siyahısında olan şəxslərin demək olar ki, yarısını, o cümlədən Amnesty İnternational tərəfindən “vicdan məhbusu” kimi tanınan 17 nəfəri azad edib.—06D--
Siyasət
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
-
Fevralın 6-da Vaşinqtonda Ermənistanın baş naziri Nikol Paşinyan ABŞ-ın vitse-prezidenti Ceyms Vensla görüşüb.
-
Dövlət başçısının 7 fevral tarixli sərəncamı ilə Anar Əliyev əmək və əhalinin sosial müdafiəsi naziri təyin edilib. Bundan əvvəl nazir müavini olub.
-
Azərbaycanın “Azel” TV saytının rəhbəri, Bakının sorğusu əsasında Gürcüstanda həbs edilmiş Əfqan Sadıqov fevralın 2-də başladığı quru alcığı fevralın 6-da dayandırıb. Lakin əvvəlkitək yeməkdən imtina edir və ancaq su içir. Onun aclığı 142 gündür ki, davam edir, fevralın 7-də xanımı Sevinc Sadıqova Turan agentliyinə bildirib.
Rəy yaz