Bazar günü mitinqi Cəmil Həsənliyə xalq dəstəyinin olduğunu göstərdi

Demokratik Qüvvələrin Milli Şurasının bazar günü mitinqi baş tutub. Mitinq Komitəsinin rəbəri, AXCP sədrinin müavini Asəf Quliyev belə hesab edir.

“Bu mitinq həm tərtibatına, məzmununa, həm də emosional dəstəyə görə əvvəlkilərdən çox fərqlənir”, - A.Quliyev Turan-ın müxbirinə bildirib.

İştirakçıların sayına gəlincə, gözləntilər ümidləri tam doğrulmadı. “Seçkiqabağı xarakter nəzərə alınmaqla daha çox fəallıq göstərmək olardı, lakin bütün hallarda bazar günü nümayişi 2005-ci il parlament seçkilərindən sonra ən kütləvi idi. Ən başlıcası, mitinq vətəndaş fəallığının artım tendensiyanı göstərdi ki, bu da Cəmil Həsənlinin və Milli Şuranın dəstəkləndiyini göstərir”, - A.Quliyev bildirib. 

Onun məlumatına görə, aksiyada 10 minə yaxın adam iştirak edib. Mitinqçilərin bir hissəsi stadion divarları boyunca dayanmışdı, odur ki, aksiya iştirakçıları çox idi.

Digər tərəfdən hakimiyyət mitinqə gələn vətəndaşlara maneələr törədib. Belə ki, aksiya başlayandan sonra polislər vətəndaşları stadiona buraxmayıblar. Üzərində “Cəmil Həsənliyə səs ver!” sözləri yazılmış köynək geyinən 5 gənc saxlanılıb.

A.Quliyev bildirib ki, C.Həsənlinin seçkiqabağı mitinqləri regionlarda da davam etdiriləcək. 

Belə ki, sentyabrın 29-da Gəncədə, sentyabrın 30-da Ağdaşda, oktyabrın 4-də Saatlıda, oktyabrın 5-də Sumqayıtda mitinqlər keçiriləcək. 

Seçkilərdən öncə oktyabrın 6 və ya 7-də Bakıda daha bir mitinqin keçirilməsi nəzərdə tutulur. –06B--