![Bolton Ermənistana Rusiya silahları yerinə Amerika silahları almağı təklif edib?](https://turan.az/resized/media/2018/main/102500014296-750-500-resize.webp)
Bolton Ermənistana Rusiya silahları yerinə Amerika silahları almağı təklif edib?
Yerevan/24.10.18/Turan: Cümə axşamı ABŞ prezidentinin müşaviri Con Boltonun Ermənistan baş naziri Nikol Paşinyanla görüşündə Dağlıq Qarabağ münaqişəsi ətraflı müzakirə olunub.
"Biz əlimizdən gəldiyi şəkildə - istər pərdə arxasında, istərsə də Minsk Qrupunun həmsədrlərindən biri olaraq kömək etmək istəyirdik ki, Ermənistan və Azərbaycan arasında hər iki ölkə üçün məqbul olacaq nizamlanmaya yardım edə biləcəyimizi və ya bilməyəcəyimizi görək. Və biz mövcud çətinlikləri etiraf etdik", deyə Bolton "Azadlıq" radiosuna müsahibəsində bildirib.
"Biz həqiqətən konkret olaraq Ermənistana birbaşa Amerika investisiyalarının artırılması perspektivləri haqqında danışdıq. Əvvəlki görüşdə ona və müşavirlərinə - xarici işlər nazirinə, müdafiə nzirinə, milli təhlükəsizlik üzrə müşavirə dedim ki, Amerikada çox güclü erməni icması var. Və düşünürəm ki, daha sıx iqtisadi əməkdaşlığın perspektivləri məhz özəl sektordadır, bu da uzunmüddətli perspektivdə dövlət yardımından daha yaxşıdır", deyə Bolton bildirib.
Ermənistan üçün xarici təsirdən asılı olmamaq üçün tam həcmdə suverenlik məsələsi fundamentaldır, deyə o əlavə edib.
Regionda təhlükəsizlik amili kimi Rusiyanın rolu haqqında suala cavabda Bolton bildirib ki, bir çox digər alternativlər var, o cümlədən silah satışı sahəsində.
Konqresin münaqişə ilə əlaqədar Azərbaycan və Ermənistana silah satışı məsələsində hökumətə qoyduğu məhdudiyyətlər var. Amma istisnalar var. "Baş nazirə də dediyim kimi, söhbət ya Rusiyanın, ya da Amerikanın hərbi texnikasının alınmasından gedirsə, biz ikinciyə üstünlük verərdik. Hesab edirik ki, bizim texnikamız istənilən halda Rusiyanın texnikasından daha yaxşıdır. Buna görə belə bir imkanı dəyərləndirmək istəyirik", deyə Bolton bildirib. -02D-
-
- Siyasət
- 25 Oktyabr 2018 16:33
-
- Söz istəyirəm
- 25 Oktyabr 2018 16:58
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz