Ceyhun Nəbinin həbsi insan hügugların kobud pozulmasıdır

Artıq 3 gündür ki Cümhuriyyət Düşüncə Mərkəzinin sədri, gənc araşdırmaçı Ceyhun Nəbinin həbs edilirək aparaılmasından sonra onun harada saxlanıldığı barədə atasına informasiya verilmir.

Ceyhun Nəbinin facebook və vatsap hesabları dünən aktiv idi və Çox güman ki, onun sosial şəbəkə akkountlarına girməklə hansısa çirkli niyyət güdürlər. Ceyhun bəyin həbsi Azərbaycanda Əliyev rejiminin son illər insan hüquq və azdlıqlarına qarşı aparadığı aqressiv siyasətin nəticəsidir.

Beynəlxaq aləmdə Azərbaycan insan hüquqlarının riayət olunmadığı fikir və ifadə azadlıqlarının mövcud olmadığı ölkə kimi tanınır. Ceyhun bəyin həbsi bir daha onu göstərdi ki, Əliyev rejimi hətta sosial şəbəkələrdə alternativ fikir bildirən və azad şəkildə özünü ifadə etməyə belə dözümü yoxdur. Bu həmdə bir vətəndaş kimi Azərbaycanlıların vətəndaş hüquqlarının təhlükədə olduğunu bir daha sübut edir.

Artıq Ceyhun bəyin məsləsi ilə bağlı bir neçə beynəlxaq təşkilatlara və insan hüquqları üzrə ixtisaslaşmış xarici müşahidəçilərə məlumat verməkdəyik.

Onun çox güman ki, Təhlükəsizlik Xidmətində saxlandığını demək olar. İnsan hüquqları hec bir halda kimlərsə tərəfindən alına bilməz bu insanların doğulması ilə verilən haqlarıdır və hər kəs buna sayğı etməlidir.

Ceyhun bəy Azərbaycanda öz hesabına tariximiz barədə araşdırma edən bir fəal azad fikirli gəncidir. Özlərini Azərbaycan xalqının hüquqlarını müdafiə etdiyini iddia edən hər bir Azərbaycanlı onun hüquqlarını müdafiə etməlidir. Əgər bizlər öz fəal azad fikirli dostlarımızı müdafiə edə bilməsək necə Azərbaycan xalqını müdafə etməkdən danışa bilərik?