Bakı/10.11.17/Turan: Beynəlxalq Qızıl Xaç Komitəsi (BQXK) İraqda müxtəlif millətlərdən olan təqribən 1300 qadın və uşağa humanitar yardım edir. Bunu BQXK-nın Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova bildirib.
Bu humanitar ehtiyaclara yemək, gigiyenik məhsullar, tibbi preparatlar, su və s. daxildir.
Bundan başqa BQXK nümayəndələri həmin şəxslərin başqa ölkələrdə yaşayan ailə üzvləri ilə əlaqə qurmalarına yardımçı olur, kimsəsiz uşaqları qeydiyyata alırlar.
"Onların gələcək taleyi ilə bağlı müvafiq hakimiyyət orqanları ilə danışıqlar aparırıq. Baş çəkdiyimiz şəxslərin razılığı olduqda bu haqda aidiyyəti diplomatik nümayəndəliklərə məlumat verilir", - İ.Hüseynova bildirib.
İraqdakı qadınların və uşaqların öz ölkələrinə qaytarılması Bağdad və həmin şəxslərin vətəndaşı olduğu ölkələrin hökumətləri arasında həll edilir.
Ancaq BQXK öz mandatına uyğun olaraq baş çəkdikləri şəxslərin konkret kimlikləri, hətta hansı millətdən olmaları barədə məlumatları açıqlamır.
Xatırladaq ki, İraq deputatlarından biri hərbçilərin İŞİD-lə əlaqədə şübhəli bilinən 200 azərbaycanlı qadını saxladığını deyib.
Bu məlumat Azərbaycan XİN tərəfindən araşdırılır.--0--
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz