![Deputat Sabir Rüstəmxanlı uyğur türkləri ilə görüşə gedib](https://turan.az/resized/media/2013/main/070900042061-750-500-resize.webp)
Deputat Sabir Rüstəmxanlı uyğur türkləri ilə görüşə gedib
Vətəndaş Həmrəyliyi Partiyasının (VHP) sədri, deputat Sabir Rüstəmxanlı Çinə səfərə gedib.
VHP sədri hazırda Çinin uyğur türklərinin kompakt yaşadığı Uyğurstandadır (Doğu Türküstan). Səfərdə məqsəd Azərbaycan və uyğur türkləri arasında bir çox sahələrdə, eləcə də ədəbi sahədə əməkdaşlığın inkişaf etdirilməsidir.
Səfər çərçivəsində ilk görüş Uyğurstanın paytaxtı Urumçi şəhərində azərbaycanlı və uyğur iş adamlarının iştirakı ilə keçib. İkitərəfli əməkdaşlığın perspektivləri müzakirə edilib. Daha sonra Tanrı dağı, qədim Kaşğar şəhərində böyük türk ustadları Yusif Balasaqunlu və Mahmud Kaşğarinin məzarları ziyarət edilib.
Uyğurstanın yazıçı, naşirlərilə görüşlər olub. Görüşdə Azərbaycan-uyğur ədəbi əlaqələrinin inkişafına dair müzakirələr olub, uyğur bədii nümunələrini oxuculara tanıtmaq üçün tərcümə ədəbiyyatının inkişafına toxunulub. S.Rüstəmxanlının “Göy tanrı” əsərinin uyğur dilinə tərcümə edilməsi qərara alınıb.
Bu il iyunun sonlarında uyğur türklərinin yaşadığı Uyğurstanda uyğurlara qarşı qətliam törədilib. Rəsmi Pekin ölkənin şimal-qərbində Uyğur-Sincan Muxtar Əyalətinin mərkəzi Urumçi şəhərindən 280 km. aralıda yerləşən Turfan şəhərinin Lukqun qəsəbəsində uyğurlara qarşı təxribatlar təşkil etməkdə ittiham edilib. Baş vermiş qarşıdurma nəticəsində 40-a qədər uyğur qətlə yetirilib. Bu səfər bu qətliamın dünya mətbuatında doğurduğu əks-sədanın hələ də aradan qalxmadığı bir dövrə təsadüf edir. -05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz