Bakı/04.09.18/Turan: Etibar Pirverdiyevin "Azərenerji" ASC-nin rəhbəri postundan çıxarılmasının rəsmi səbəbi iyulun əvvəlində Mingəçevir İES-də baş vermiş qəza və bunun nətəcəsində bütün ölkənin zülmətə qərq olmasıdır. Bu barədə Prezident Administrasiyasının məlumatında deyilir.
Məlumatda xatırladılır ki, iyulun 3-də sözügedən elektrik stansiyasındakı transformatorlardan birində qəza baş verib. Nəticədə ölkənin enerji sistemində ciddi problemlər yaranıb, Bakı və Gəncə də daxil olmaqla, ölkənin 39 şəhər və rayonu işıqsız qalıb.
Həmin gün qəzanın səbəblərinin araşdırılması üçün prezidentin göstərişi ilə Dövlət Komissiyası yaradılıb.
Yerli və xarici ekspertlərin, həmçinin müvafiq dövlət qurumlarının mütəxəssislərinin cəlb edilməsilə Dövlət Komissiyası qəzanın səbəblərini araşdırıb və hərtərəfli rəy hazırlayıb. Rəydə ölkənin enerji sistemində nasazlığa səbəb olan nöqsanlar göstərilib.
Səbəblərdən biri "Azərenerji"nin qəzalı vəziyyətlərə hazır olmaması, qurumun fəaliyyətində texniki və bəzi digər nöqsanlar, fövqəladə hallara adekvat reaksiya vermək qabiliyyətində olmaması göstərilib.
Komissiyanın rəyi ilə tanış olan dövlət başçısı E.Pirverdiyevi "Azərenerji" ASC-nin rəhbəri postundan azad edib, məlumatda deyilir.06B--
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz