Bakı/27.05.22/Turan: Azərbaycan prezidenti İlham Əliyev bugün, mayın 27-də məhkum edilmiş bir sıra şəxslərin əfv olunması haqqında Sərəncam imzalayıb.
Sərəncama əsasən, azadlıqdan məhrumetmə cəzasına məhkum edilmiş 168 şəxs cəzanın çəkilməmiş hissəsindən azad edilib.
Habelə, azadlıqdan məhrumetmə cəzasına məhkum edilmiş 36 şəxsin cəzasının çəkilməmiş hissəsi yarıyadək azaldılıb.
Onlardan başqa, azadlıqdan məhrumetmə cəzasına şərti olaraq məhkum edilmiş 3 nəfər cəzadan azad edilib.
Həmçinin,azadlığın məhdudlaşdırılması cəzasına məhkum edilmiş 6 nəfər cəzanın çəkilməmiş hissəsindən azad edilib.
Sərəncam bütünlükdə 213 şəxsə şamil edilib.
Azadlığa çıxanlar arasında siyasi məhbus sayılan şəxslər də var.
Onlardan biri Gədəbəy Rayon İcra Hakimiyyətinin keçmiş başçısı, çirkli pulların yuyulmasında ittiham edilərək 7 il 3 ay həbs cəzası alan Saleh Rüstəmlidir.
O, ötən ilin sonlarına doğru həbsinin qanunsuz olduğunu bildirərək 40 gündən çox aclıq aksiyası keçirmişdi.
Habelə hədələmə yolu ilə pul tələb etməkdə günahlandırılaraq 7 il ( sonra 6 ilə endirilib) həbs edilən Azel.TV saytının rəhbəri Əfqan Sadıqov da azadığıa çıxıb.
Siyasi məhbus siyahılarında yer alan və bu əfv sərəncamına düşən daha bir şəxs isə Azərbaycan Xalq Cəbhəsi Partiyasının sədri Əli Kərimlinin sürücüsü Paşa Umudovdur. Ona isə narkotik ittihamı ilə 4 il 6 ay həbs cəzası verilmişdi.
Bundan başqa, əfv olunanlar arasında Gəncə işi üzrə məhkum olunan şəxslər də var, o cümlədən: Vüqar Allahverdiyev, Seymur Əliyev, Tural Bayramov, Nizami Əkbərov, Maarif Hacıyev, Ruslan Həsənov, Yavər İsmayılzadə, Kamal Məhərrəmov, Kamal Quliyev, Elman Rüstəmov, Əli Rzayev, Şahlar Rzayev, Qənbər Qarazadə, Zabil Məmmədov, Raul Süleymanov, Toğrul Verdiyev, Asif Cavadov, Orxan Yağnəliyev və Vaqif Əşrəfov.
Bununla yanaşı əfv olunan şəxslərin sırasında Cinayət Məcəlləsinin 18 maddəsi ilə ittiham olunan, MTN-çi Monitorinq Mərkəzinin keçmiş rəisi general-mayor Teymur Quliyev və MTN-in Energetika və Nəqliyyat Sahələrində Təhlükəsizlik Baş İdarəsinin keçmiş işçisi, polkovnik Səlim Məmmədov da var.
Müdafiə Xətti hüquq müdafiə təşkilatının həmtəsisçisi Rüfət Səfərov fikrincə,
əvvəlki ənənəvi əfvlər kimi bu dəfə də həbsdə olan bütün siyasi məhbusların hamısı azadlığa buraxılmayıb. O deyib: "Əlbəttə ki, bir neçə siyasi məhbusun - Saleh Rüstəmovun, Paşa Umudovun, Əfqan Sadıqovun və 23 il Qobustan həbsxanasında keçmiş baş prokuror Zakir Qaralovun hikkəsinə görə həbsdə qalan Şəmsi Səmədzadə barəsində əfv sərəncamının tədbiqini alqışlayırıq".
Azərbaycanda 100-dən çox siyasi məhbus var, deyə Səfərov davam edib. “Könül istərdi ki, yerli və beynəlxalq hüquq müdafiə təşkilatların ortaya qoyduğu siyahılarda olanların hamısı azadlığa buraxılsın", - Səfərov fiktini tamalayıb.—0--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz