Mərkəzi Seçki Komissiyası sentyabrın 26-da Azərbaycan Konstitusiyasına dəyişikliklərlə bağlı referendumun keçirilməsi üzrə əsas tədbirlərə dair təqvim planını təsdiqləyib.
Səsvermə tarixinin elan edilməsilə təşviqat qrupunu yaratmaq olar. Ölkə boyunca təşviqatın aparılması üçün MSK-ya ən azı 2000 seçicinin imzası təqdim edilməlidir.
Müraciətə 5 gün ərzində baxılmalıdır.
Bu proses 22 avqust saat 18:00-dək başa çatmalıdır. Təşviqat aparmaq hüququ ilə (lehinə və ya əleyhinə) təşviqat qrupunun qeydiyyatı üçün 40 min seçicinin imzası təqdim olunmalıdır ki, onlar da ən azı 60 seçki dairəsini əhatə etməlidir və hər birindən ən azı 100 imza olmalıdır.
Bütün ölkə boyunca təşviqat qrupunun yaradılmasının üstünlüyü ondadır ki, qrup İctimai televiziya və dövlət qəzetlərində pulsuz efir vaxtı əldə edir.
Ölkə ərazisinin bir hissəsində təşviqat qrupunun qeydiyyatı üçün təşviqatın aparılması nəzərdə tutulan seçki dairəsinin hər birində ən azı 100 seçici imzası olmalıdır.
Referendumda təşviqat sentyabrın 3-də başlayır və 25 sentyabr saat 8:00-da başa çatır.
Ümumxalq səsverməsi 26 sentyabr saat 8:00-dan 19:00-dək keçiriləcək. Axşamdan keçmiş MSK-nın informasiya sisteminə ilkin məlumatlar daxil olacaq. MSK oktyabrın 21-dək yekunları elan etməlidir.
Demokratik Təşəbbüslər İnstitutunun (DTİ) rəhbəri Akif Qurbanov Turan-a şərhində deyib ki, təqvim planı Seçki Məcəlləsinə uyğun olsa da referendumun keçirilməsi üçün az vaxt ayrılıb. Bu, Konstitusiyaya düzəlişlərin əleyhinə olanların imkanlarını məhdudlaşdırır.
Son illərin seçkiləri göstərdi ki, seçki kampaniyasına 60 gün, təşviqata isə cəmi 3 həftə ayrılması çox azdır.
“Bundan əlavə, indiki referendum qəflətən, ictimai müzakirələr olmadan elan edilib. Telekanallarda siyasi plüralizmin olmadığı, əhalinin yetərincə məlumatlandırılmadığı, ictimai marağın aşağı olduğu bir vaxtda təşviqat qrupunun yaradılmasına təşəbbüs göstərmək və bir ay ərzində 40 min imza toplamaq çətindir”, - A.Qurbanov bildirib.
“DTİ referendumun monitorinqini keçirəcəkmi?” sualının cavabında A.Qurbanov deyib ki, referendum haqda qərar qəflətən olduğundan mükəmməl monitorinq üçün vətəndaş cəmiyyətinin vaxtı azdır. Lakin qurum onun təşkili ilə bağlı imkan qədər maarifləndirmə işi aparacaq, seçicilərə hüquqi yardım göstərəcək, KİV-in işini qiymətləndirəcək və s.—06B-
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz