![Əli İnsanov Ədliyyə Nazirliyini məhkəməyə verib](https://turan.az/resized/media/2013/main/091000049155-750-500-resize.webp)
Əli İnsanov Ədliyyə Nazirliyini məhkəməyə verib
Həbsdə olan sabiq səhiyyə naziri Əli İnsanov saxlanma şəraiti ilə əlaqədar Ədliyyə Nazirliyinə qarşı məhkəmə iddiası verib.
Vəkil Toğrul Babayevin Turan-a verdiyi məlumata görə, iddia 1 saylı Bakı İnzibati-İqtisad Məhkəməsinə verilib.
O qeyd edib ki, Avropa İnsan Hüquqları Məhkəməsinin İnsanovun işi üzrə 14 iyun 2013-cü ildə qüvvəyə minmiş qərarında deyilir ki, sabiq nazirin Avropa İnsan Hüquqları Konvensiyasında zəmanət verilmiş hüquqları onun uzun müddət ağır şəraitdə saxlanılması ilə pozulub.
Belə ki, İnsanov 128 nəfərlik barakda saxlanılır. Bir məhbusa cəmi 1,76 kv m düşür, bir halda ki, Avropa Penitensiar Qaydalarına əsasən, bu göstərici 7 kv m olmalıdır.
Bundan başqa, İnsanovun saxlandığı yer rütubətlidir və az işıqlandırılır.
İddiada İnsanovun Avropa standartlarına uyğun məkana keçirilməsi tələbi yer alır.
Bir müddət əvvəl İnsanov Ali Məhkəmənin sədri Ramiz Rzayevə və Azərbaycanın Avropa İnsan Hüquqları Məhkəməsindəki (AİHM) səlahiyyətli nümayəndəsi Çingiz Əsgərova qarşı iddia qaldırıb.
Bu şikayət AİHM-nin 14 iyun 2013-cü ildə qüvvəyə minmiş İnsanovun işi üzrə Azərbaycan məhkəmələrinin qərarlarının qanunsuz hesab olunması haqqında qərarının yerinə yetirilməməsi ilə bağlıdır.
Bundan başqa, İnsanov AŞ Nazirlər Komitəsinə Azərbaycan hökumətnin Avropa Məhkəməsinin onun işi üzrə qərarlarını yerinə yetirməməsi ilə əlaqədar şikayət göndərib.
Vəkilin sözlərinə görə, Ali Məhkəmənin plenumu Strasburq Məhkəməsinin qərarına uyğun olaraq İnsanov barəsində ittiham hökmlərini ləğv etməli və onu azad etməlidir.
Xatırladaq ki, Avropa İnsan Hüquqları Məhkəməsi 14 mart 2013-cü ildə İnsanovun ədalətli mühakimə hüququ haqqında iddiasını təmin edib və ona qarşı işgəncə faktını təsdiq edib.
Bu səbəbdən Avropa Məhkəməsi Azərbaycan hökumətinin İnsanova 10 min avro kompensasiya ödəməli olduğu haqqında qərar verib.
Xatırladaq ki, İnsanov 2005-ci ilin oktyabrında həbs edilib və dövlət çevrilişi hazırlamaqda ittiham edilib, amma daha sonra ittiham dəyişdirilib və onu iqtisadi cinayətlərə görə 11 il müddətinə mühakimə ediblər. -06B-
-
- İqtisadiyyat
- 10 Sentyabr 2013 18:00
-
- Cəmiyyət
- 10 Sentyabr 2013 19:15
Siyasət
-
Cümə günü Amerika kəşfiyyatının əməkdaşları bildiriblər ki, Rusiya ABŞ-da 5 noyabr prezident seçkilərinə təsir göstərə biləcək əsas və ən fəal təhdiddir, lakin İran və Çin də səylərini artırır.
-
Azərbaycan iqtisadiyyatı şaxələndirməyə və neftdən asılılığa son qoymağa çalışır, həmçinin, İsrailin yüksək texnologiyalar sahəsində fəaliyyət göstərən şirkətlərinə səxavətli vergi güzəştləri müqabilində ölkəyə köçməyi təklif edir. Bu barədə İsrailin Globes nəşri Azərbaycana köçmək mümkünlüyünü nəzərdən keçirən şirkətlərdəki mənbələrinə istinadla məlumat yayıb.
-
31 avqust - 6 sentyabr tarixlərində polis əməkdaşları tərəfindən Qarabağda onlarla odlu silah və minlərlə patron aşkar edib.
-
Bu gün daha 26 ailə, ümumilikdə 88 nəfər Şuşaya qayıdır, xəbəri Qaçqınların İşləri üzrə Dövlət Komitəsi yayıb.
İran Zəngəzur dəhlizinə görə Rusiyaya qarşı çıxır? – Elxan Şahinoğlu Çətin sualda
Xəbər lenti
-
- Siyasət,
- 10:52
- 297
Rəy yaz