Bakı/27.06.19/Turan: Bu gün, iyunun 27-də prezident İlham Əliyev Azərbaycan Dövlət Təhlükəsizliyi Xidmətinin rəisi Əli Nağı oğlu Nağıyevə general-leytenant ali hərbi rütbəsi verib.
Prezident onu bir həftə öncə, iyunun 20-də Dövlət Təhlükəsizliyi Xidmətinin rəisi vəzifəsinə təyin etmişdi. Buna qədər o, baş prokuror yanında Korrupsiyaya qarşı Mübarizə İdarəsində rəis müavini işləyirdi. Rütbəsi general-mayor idi.
Prezident başqa bir sərəncamı ilə isə daxili işlər naziri Vilayət Süleyman oğlu Eyvazova general-polkovnik ali hərbi rütbəsi verib.
Vilayət Eyvazov da bu vəzifəyə iyunun 20-də təyin edilib.
Bundan öncə o, daxili işlər nazirinin birinci müavini postunu tuturdu.
Onun ali hərbi rütbəsi isə general-leytenant idi.-0-
Siyasət
-
Həbsxanada 71 gündür aclıq edən ictimai fəal, I qrup əlil Famil Xəlilovun səhhəti ağır olaraq qalır. Bu barədə onun həyat yoldaşı Kiçikxanım Xəlilova bildirib.
-
Çərşənbə axşamı Birləşmiş Ştatlar bildirib ki, KXDR-in müharibədə Rusiyanın tərəfində iştirak etmək üçün əsgər göndərməsi haqqında məlumatları "araşdırmağa davam edir". "KXDR-in əsgərlərinin Putinin Ukraynaya qarşı müharibəsinə qoşulacağı doğrudursa, bu, təhlükəli və həddindən artıq narahatedici hadisə olacaq", bu barədə Dövlət Departamentinin mətbuat katibinin müavini Vedant Patel brifinqdə bildirib.
-
Azərbaycanın energetika naziri Pərviz Şahbazov "X" sosial şəbəkəsindəki hesabında Çinin Çindau şəhərində "Kəmər və Yol" nazirlər konfransında iranlı həmkarı ilə görüşü haqqında məlumat paylaşıb.
-
Çərşənbə axşamı baş nazir Nikol Paşinyan Yerevanda ABŞ Milli Təhlükəsizlik Şurasının Avropa üzrə baş direktoru Maykl Karpenter və Dövlət Departamentinin xüsusi nümayəndəsi Luis Bononu qəbul edib.
Rəy yaz