Bakı/14.10.19/Turan: Azərbaycan türkdilli dövlətlərin Əməkdaşlıq Şurasına sədrliyi dövründə iqtisadi əməkdaşlığın daha da inkişaf etdirilməsinə xüsusi diqqət yetirəcək. Bunu Azərbaycan XİN rəhbəri Elmar Məmmədyarov iştirakçı ölkələrin XİN rəhbərlərinin bugünkü görüşündə çıxışı zamanı bildirib.
Türk Şurasının iqtisadi gündəliyinin hazırlanması Bakının fəaliyyətinin vacib tərkib hissəsi olacaq. Tarixi İpək Yolunun canlandırılması və onun yeni infrastruktur layihələri ilə yaxşılaşdırılması Türk Şurası üzvlərinin və müşahidəçi ölkələrin iqtisadi əməkdaşlığının intensivləşdirilməsinə yardım göstərəcək.
Bakı-Tbilisi-Qars dəmir yolu Transxəzər Şərq və Qərb, Şərq və Aralıq dənizi arasında nəqliyyat dəhlizlərinin mühüm tərkib hissəsidir.
Nazir bildirib ki, Macarıstanın Türk Şurasında müşahidəçi statusu alması türkdilli ölkələrin Avropa qurumları ilə əlaqələrinin möhkəmləndirilməsinə xidmət edəcək.
O, Şura üzvlərinin Qarabağ münaqişəsinin nizamlanması, əsasən münaqişənin Azərbaycanın ərazi bütövlüyü çərçivəsində həllilə bağlı Bakının mövqeyini dəstəkləməsini alqışlayıb.
XİN rəhbərlərinin bugünkü iclasında Türk Şurasında sədrlik Qırğızıstandan Azərbaycana keçib.-06D-
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz