Recep Tayyip Erdogan
Bakı/04.10.23/Turan: Türkiyə prezidenti Rəcəb Tayyib Ərdoğanın İspaniyaya planlaşdırılan səfəri ləğv edilib. Oktyabrın 5-də o, Avropa Siyasi Birliyinin sammitində iştirak etməliydi.
Türkiyənin “Yeni Şafak” qəzeti bildirib ki, Türkiyə prezidenti sağlamlıq problemləri, xüsusilə soyuqdəymə səbəbindən səfəri ləğv edib.
Qeyd edək ki, Azərbaycan prezidenti İlham Əliyev Qranada səfərini ləğv edib.
Azərbaycanın hakimiyyətyönlü mediasının məlumatına görə, Əliyev bu qərarı Azərbaycan və Ermənistan liderlərinin görüşündə Avropa İttifaqı Şurasının rəhbəri Şarl Mişelin, Fransa prezidenti və Almaniya kanslerinin iştirak etməsilə əlaqədar qəbul edib.
Bakı Parisin ermənilərə dəstək olaraq birtərəfli və qərəzli mövqeyinə görə Fransanın iştirakı ilə danışıqlardan imtina edir. Digər tərəfdən, Paşinyanla görüşdə Qərb liderlərilə yanaşı, Türkiyə prezidentinin iştirakının təmin olunmaması da Əliyevin qərarına təsir göstərib. 06B
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz