Açiq mənbələrdən foto.
Bakı/27.10.20/Turan: Oktyabrın 26-da “Euronews” telekanalının çəkiliş qrupu mözücə sayəsində ölümdən qurtula bilib. Qrupun avtomobili Qarabağın şimalında Talış kəndi yaxınlığında ermənilər tərəfindən “Kornet” tank əleyhinə raket atəşinə tutulub. Hücum anını əks etdirən reportaj həmin gün “Euronews”da nümayiş etdirilib.
Dövlət başçısının köməkçisi Hikmət Hacıyev çəkiliş qrupunun atəşə tutulmasını “söz azadlığına və peşəkar jurnalistikaya təcavüz” kimi dəyərləndirib. Xoşbəxtlikdən, raket avtomobilin bir neçə santimetrliyindən keçib, onun hissələri isə avtomobilə ziyan vurub.
H.Hacıyev qeyd edib ki, maşının üzərində “Euronews” loqosu olub, lakin tank əleyhinə raketdən atəş məqsədyönlü olub.
Atəşi əks etdirən video: (https://vimeo.com/472347741).
Bu, təkcə Qarabağın özündə deyil, onun hüdudlarından kənarda – Tərtər, Ağdam, Ağcabədi və Gəncədə jurnalistlərin erməni qüvvələri tərəfindən atəşə tutulması ilə bağlı ilk hal deyil. -02D-
Siyasət
-
Noyabrın 27-də "Kanal 13"-ün baş redaktoru Əziz Orucovun həbsindən bir il ötür. O, "Abzas Media" redaktorlarının həbsindən bir həftə sonra saxlanılıb.
-
Paytaxtın və respublikanın ayrı-ayrı rayonlarında kiçik və orta sahibkarlıq fəaliyyəti ilə məşğul olan şəxslər barəsində rüsvayedici məlumatlar yayacağı hədəsi ilə onların pul vəsaitlərini ələ keçirən bir neçə sayt rəhbəri polis əməkdaşları tərəfindən cinayət məsuliyyətinə cəlb edilib, bu barədə DİN məlumat yayıb.
-
Avropa Parlamentinin İnsan hüquqları üzrə Alt Komitəsinin 5 dekabr tarixli iclasında “Azərbaycanda vətəndaş cəmiyyətinə və müstəqil mediaya qarşı təzyiqlər” müzakirə ediləcək.
-
Avropa Demokratik Seçkilər Platforması (European Platform for Democratic Elections - EPDE) "Demokratlar avtokratların öhdəsindən necə gəlir: Azərbaycanda keçirilən seçkilərdə beynəlxalq yardımla saxtakarlıqlar törədilib" adlı məruzə dərc edib.
Rəy yaz