посол РФ в Армении Сергей Копыркин

посол РФ в Армении Сергей Копыркин

Bakı/11.06.19/Turan: Rusiya Qarabağda gərginliyin əleyhinədir, amma nizamlanmada son söz münaqişə tərəflərinə aiddir. Bu barədə çərşənbə axşamı Yerevanda keçirilən mətbuat konfransında RF-nin Ermənistandakı səfiri Sergey Kopırkin bildirib.

"Rusiyanın roluna balanslı şəkildə yanaşmaq lazımdır. Bizim vəzifəmiz ATƏT-in Minsk qrupunun həmsədri kimi, strateji tərəfdaş kimi mövcud mexanizmlərə uyğun olaraq yardım etməkdir. Hər şeyin Rusiyadan asılı olduğunu demək yanlışdır", deyə Ermənistan KİV-ləri diplomatdan sitat gətirir.

Lragir nəşri Rusiya səfirinin baş nazir Nikol Paşinyanın qaldırdığı məsələlərdən faktiki olaraq yayınmasından qəzəbini gizlətmir. Belə ki, "Exo Moskvı"ya müsahibəsində o deyib ki, "bütün ermənilər, Ermənistandakı hamı əmindir ki, Rusiya regionumuzda yeni gərginlik dalğasına yol verməmək və Azərbaycanı Ermənistana və Qarabağa hücumdan yayındırmaq üçün bütün imkanlara malikdir".

Daha sonra o qeyd edib ki, "Rusiyanın müharibənin qarşısını almaq üçün öz imkanlarından istifadə etməyəcəyinə inana bilmir".

Rusiya gərginliyə yol verməmək üçün bütün zəruri vasitələrə malikdir, deyə Paşinyan 2019-cu il iyunun 5-də Yerevanda Rusiya KİV nümayəndələri ilə görüşündə bildirib.

Lragir Rusiya səfirinin sözlərini "mümkün hadisələrə görə məsuliyyəti Moskvanın üzərindən qaldırmaq" cəhdi kimi qiymətləndirir. -02D-

Rəy yaz

Siyasət

Грузия меняет западную ориентацию и идет на сближение с Россией? - беседа с экспертом по Кавказу Вадимом Дубновым в программе "Çətin sual"



Bizi sosial şəbəkələrdə izləyin

Xəbər lenti