![Ermənistan XİN Zəngəzur yoluna nəzarətin özəl şirkətə verilməsi mümkünlüyünü təkzib etmir](https://turan.az/resized/news/2024/gJiGRrTorUpwCw1Rccrnjw86PM3BdkZko75ap3Am-750-500-resize.webp)
Ermənistan XİN Zəngəzur yoluna nəzarətin özəl şirkətə verilməsi mümkünlüyünü təkzib etmir
Ermənistan XİN Zəngəzur yoluna nəzarətin özəl şirkətə verilməsi mümkünlüyünü təkzib etmir
Ermənistan XİN Zəngəzur dəhlizinə nəzarətin özəl şirkətə verilməsi məsələsinin Bakı ilə müzakirə olunub-olunmaması ilə bağlı şərh vermir.
"Ermənistan Respublikası suverenliyə hörmət, milli yurisdiksiya, bərabərlik və qarşılıqlılıq prinsiplərinə əsaslanaraq, regionda kommunikasiyaların açılması prosesində konstruktiv şəkildə iştirak edir", deyə idarədən Sputnik Armenia Agentliyinin sorğusuna cavabda bildiriblər.
Bir müddət əvvəl Bakı və Yerevan Zəngəzurdan keçən kommunikasiyalara nəzarətin təhlükəsizlik məsələləri üzrə beynəlxalq özəl şirkətə verilməsi mümkünlüyünü müzakirə etdiklərini bildirib. Bu ideya Avropa İttifaqı Şurasının sədri Şarl Mişel tərəfindən, bu yola nəzarətin beynəlxalq standartlar səviyyəsində həyata keçirilməsi və hər iki tərəfi qane etməsi məqsədilə güzəşt kimi irəli sürülmüşdü.
Xatırladaq ki, 10 noyabr 2020-ci il tarixli üçtərəfli bəyanata əsasən, yola nəzarəti Rusiya sərhədçiləri həyata keçirməli idi. Lakin sonradan Yerevan bu razılaşmadan imtina edib, yola nəzarətin Ermənistanda qalacağını bəyan edib. Bakı bu tələbi qəbuledilməz hesab edib və məsələ həll edilməmiş olaraq qalıb.
Rəy yaz
Siyasət
-
Amnesty İnternational hüquq müdafiə təşkilatı Bəhruz Səmədovu və Azərbaycan hökumətinin təqiblərə məruz qalan digər tənqidçilərini azad etməyə çağırıb.
-
Bazar ertəsi ABŞ prezidenti Co Bayden bildirib ki, Amerikanın Ukraynaya dəstəyinin sərhədlərini "dəqiq müəyyən edib".
-
Vəfa Nağı Neftçala rayonundakı seçkilərin təfərrüatlarını Turanla bölüşdü. Mərkəzi Seçki Komissiyası (MSK) 70 saylı Neftçala seçki dairəsində seçicilər tərəfindən Vəfa Nağının xeyrinə verilən, lakin daha əvvəl başqa bir namizədin adına qeydə alınmış 84 səsin bərpası və bu səslərin yenidən Vəfa Nağının xeyrinə əlavə edildiyini bildirdi.
-
Bu gün prezident İlham Əliyev Kəlbəcər rayonuna gedib.
Parlament seçkilərinə kim necə rəy verdi? – Nəsimi Məmmədli Çətin sualda
Xəbər lenti
-
- Cəmiyyət,
- 13:53
- 210
1 rəy
Aydın Məmmədov
2024-09-03
Ermənistanın keçmiş Mehri rayonundan keçən dəmir yolu xətti Azərbaycanın mülkiyyətidir. Çünki Azərbaycan SSR-ə dəmir yollarının bir hissəsi olub. Əvəzində, Yerevandan çerez Naxçıvan İrana gedən dəmir yolu isə Ermənistan SSR-in dəmir yolları şəbəkəsinin bir hissəsi olub. Dünya praktikasında belə şeylər var. Məsələn vaxtilə Çinin Mancuriya bölgəsindən Vladivastoka gedən dəmir yolu xətti Rusiyanın olub. Azərbaycan-Ermənistan münasibətlərində də belə ola bilər... Ermənistandan gələn azərbaycanlılar heç vaxt Ermənistana qayıtmayacaqlar, çünki burdakı ermənilər getdilər. Zəngəzur dəhlizi heç vaxt olmayacaq, çünki Laçın dəhlizi artıq bizdədir. Ermənistan dedi mənə Laçın dəhlizi və Dağlıq Qarabağ lazım deyil, Zəngəzur dəhlizini verməyəcəyəm. İndi yalnız "b" variantı qalıb. Ermənistan Mehridən keçən dəmir yolunun Azərbaycanın mülkiyyəti olduğunu, Azərbaycan da Yerevandan çerez Naxçıvan İrana gedən dəmir yolunun Ermənistanın mülkiyyəti olduğunu tanımalıdır. Düzdür, inandırıcı deyil ki, Ermənistan bunu qəbul etsin. Amma qəbul edə də bilər...