Bakı/02.03.18/Turan: Bu gün Ermənistan parlamenti ölkənin yeni prezidentini seçib. Gözlənildiyi kimi, yeni prezident Ermənistanın Böyük Britaniyada keçmiş səfiri Armen Sarkisyan oldu. O, 1997-ci ildə bir neçə ay baş nazir vəzifəsində işləyib.
Sarkisyan bu vəzifəyə yeganə namizəd idi, onun namizədliyini Ermənistanın hakim Respublika Partiyasından və "Daşnaksütun" İnqilab Federasiyasından 65 deputat irəli sürmüşdü.
90 deputat onun lehinə, 10 deputat isə əleyhinə səs verib.
Ermənistanın yeni konstitusiyasına əsasən, prezident parlament tərəfindən yeddi illik bir müddət üçün seçilir. Hazırkı prezident Serj Sarkisyanın səlahiyyətləri aprelin 9-da başa çatır. Elə həmin günə Armen Sarkisyanın inauqurasiyası təyin edilib. Bundan sonra köhnə hökumət istefaya gedəcək və Ermənistan tamamilə parlament idarəetmə formasına keçəcək.
Yeni konstitusiyaya əsasən, ölkəni idarə etmək səlahiyyətləri baş nazirə keçir və bu vəzifəni Serj Sarkisyan özü tutmaq niyyətindədir. -02D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz