Fələstin səfirlərinin Bakı toplantısı
Bakı/05.11.18/Turan: Bu gün Bakıda Fələstinin Asiya ölkələrindəki səfirlərinin müşavirəsi açılıb. Ötən gün prezident İlham Əliyev Fələstin dövlətinin xarici işlər naziri Riyad əl-Maliki və onun nümayındə heyətinin üzvlərini qəbul edib.
İ.Əliyev bildirib ki, Azərbaycan Fələstin məsələsində hər zaman həmrəylik nümayiş etdirir və ona dəstək göstərir. Dövlət başçısı qeyd edib ki, noyabrın 5-də Bakıda Fələstinin Asiya ölkələrindəki səfirlərinin toplantısını keçirməsi buna əyani sübutdur.
Azərbaycan BMT qətnamələrimə və qərarlarına uyğun olaraq Fələstin məsələsinin iki dövlətin yaradılması prinsipi əsasında nizamlanmasını dəstəkləyir. Bu dəstək birmənalı olaraq beynəlxalq təşkilatlar çərçivəsində özünü göstərir.
Azərbaycan ardıcıl olaraq islam həmrəyliyinin möhkəmləndirilməsinə öz töhfəsini verir.
Riyad əl-Maliki Fələstin səfirlərinin iclasının təşkilinə, həmçinin müxtəlif humanitar tədbirlərdə Fələstin xalqının dəstəklənməsinə görə öz dövlətinin adından Azərbaycan prezidentinə təşəkkürünü bildirib.
O qeyd edib ki, 2017-ci il dekabrın 13-də İstanbulda keçirilmiş İslam Əməkdaşlıq Təşkilatının fövqəladə sammitində dövlət başçısının iştirakını və çıxışını yüksək qiymətləndirir.
Riyad əl-Maliki əmin olduğunu bildirib ki, Azərbaycan 2019-2022-cu illərdə Qoşulmama Hərəkatına uğurla sədrlik edəcək.-06D-
-
- Cəmiyyət
- 5 Noyabr 2018 09:29
-
- İqtisadiyyat
- 5 Noyabr 2018 10:22
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz