![Fərman Ceyranlı: Mən siyasi məhbusam](https://turan.az/resized/media/2017/main/072500003337-750-500-resize.webp)
Fərman Ceyranlı: Mən siyasi məhbusam
Баку/25.07.17/Turan: "Mənim fəaliyyətimdə heç bir qüsura yol verməmişəm. Mən siyasi məhbusam".
Bu gün, iyulun 25-də Tbilisi şəhər Məhkəməsində keçirilən prosesdəki çıxışında azərbaycanlı cərrah, "Lancet" klinikasının həmtəsisçisi Fərman Ceyranlı belə deyib.
Məhkəmə prosesi haqda AzadlıqRadiosuna cərrahın vəkilləri məlumat veriblər. F.Ceyranlını vəkillər Gela Nikolashvili və Natia Bezhashvili müdafiə edir.
Ceyranlı bildirib ki, ona qarşı irəlis ürülən ittihamlar quramadır, ona heç bir aidiyyatı yoxdur. Rəsmi ittihamda qeyd olunan xüsusatlara görə, qətiyyən hüquqi məsuliyyət daşımadığını vurğulayan cərrah sifarişlə həbs olunduğunu ifadə edib. Onun sözlərinə görə, Azərbaycan hökuməti onun həbs edilməsini sifariş edə bilərdi. Cərrah həbsindən əvvəl Azərbaycan hökumətinin nəzarətində olan mediada barəsində yayılmış informasiyaları da məhkəmə heyətinə xatırladıb.
F.Ceyranlı məhkəmədən işə ədalətlə baxılmasını tələb edib.
Onun vəkilləri isə cərraha qarşı irəli sürülmüş ittihamlar üzrə çıxış ediblər.
Vəkillərdən Gela Nikolashvili cərraha qarşı irəli sürülən dələduzluq ittihamının əsassız olmasından bəhs edib. Onun sözlərinə görə, ittihamda adı keçən xəstə kassaya ödəniş edib, bununla bağlı ona qəbz də verilib. Həm də xəstə tibb xidməti müqabilində ödəməli olduğu vəsaitin hamısını kassaya keçirməyib.
"Belə olan halda heç bir maliyyə yeyintisindən, dələduzluqdan söhbət belə gedə bilməz", deyən vəkil söylədiklərini isbat edən sənədləri məhkəməyə təqdim edib. O, müvəkkilinin həbsinin Azərbaycan hökumətinin sifarişi olduğunu vurğulayıb.
Digər vəkil Natia Bezhashvili isə çıxışında xüsusi vurğulayıb ki, cinayət işi materiallarında pozuntulara yol verilib.
"Onu klinikanın direktoru kimi göstəriblər. Halbuku, klinikanın direktoru tamailə başqa şəxsdir, Fərman Ceyranlı təsisçidir. Təsisçinin isə heç hansısa xəstəni yoxlamaq hüququ yoxdur", deyən vəkil rəsmi ittihamların yalnız direktora, müalicə həkiminə qarşı irəli sürülə biləcəyini vurğulayıb.
Onun sözlərinə görə, təsisçilər ittihamlardakı xüsusatlar üzrə heç bir cavabdehlik daşıya bilməz.
Məhkəmə prosesi iyulun 28-də davam etdiriləcək. -0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz