G7 ölkələri Rusiyaya qarşı sərt sanksiyalar tətbiq edirlər

Yeni maliyyə məhdudiyyətləri bazar ertəsi artıq qüvvəyə minə bilər, bu barədə Ağ Evin saytında yayılmış bəyanatda deyilir.

“Ukraynada prezident seçkilərində demokratik iradənin uğurlu və dinc şəkildə bildirilməsinin təmin edilməsinin əhəmiyyətini nəzərə alaraq, biz Rusiyanı öz əməllərinə görə daha ağır qiymət ödəməyə məcbur edəcək məqsədli sanksiya və tədbirləri gücləndirmək üçün dərhal hərəkətə keçməyi öhdəmizə götürdük”, deyə bəyanatda bildirilir.

G7 Kiyevi dəstəkləyərək, qeyd edib ki, Ukrayna hakimiyyəti ölkənin şərq vilayətlərində əməliyyat zamanı dözüm nümayiş etdirim. “Əksinə, Rusiya Cenevrə sazişlərinə uyğun heç bir konkret addım atmayıb”, deyə bəyanatda qeyd edilib. Rusiya getdikcə daha çox narahatlıq doğuran bəyanatlar və Ukrayna ilə sərhəddə hərbi təlimlərlə Ukraynada gərginliyi artırmağa davam edir, G7 liderləri belə hesab edirlər.

Öz növbəsində, Pentaqon mətbuat xidmətinin nümayəndəsi təfsilata varmadan, BBC-yə bildirib ki, Rusiya HHQ təyyarələri həmsərhəd rayonlarda Ukraynanın hava məkanını pozur.

NATO-nun kəşfiyyat peykləri Ukrayna ilə həmsərhəd bölgələrdə hələ aprelin əvvəllərində Rusiya döyüş aviasiyası qrupunun artırıldığını qeydə alıb. -02D-