Sentyabrın 11-də Nəsimi Rayon Məhkəməsi “Azad gənclik” vətəndaş hərəkatının üzvü İlkin Rüstəmzadənin həbs müddətini daha iki ay uzadıb.
O, mayın 17-də dənizkənarı bulvarda Harlem Shake fleş-mob-un təşkili ilə əlaqədar həbs olunub. Belə ki, hakimiyyət bunu xuliqanlıq kimi qiymətləndirib.
İ.Rüstəmzadənin vəkili Nemət Kərimli bildirib ki, istintaq müttəhimin həbs müddətinin davam etməsinin vacibliyi ilə bağlı tutarlı arqument gətirməyib.
İ.Rüstəmzadə özü həbsinin siyasi motivlərlə bağlı olduğunu bildirib. O hesab edir ki, sosial şəbəkələrdə tənqidi fikirlərinə görə təqib olunur.
Bundan əlavə, İ.Rüstəmzadə bildirib ki, ötən gün karserə salınıb və döyülüb. Bununla əlaqədar Beynəlxalq Qırmızı Xaç Komitəsinə müraciət ediləcək, həbs müddətinin noyabrın 17-dək uzadılması barədə məhkəmə qərarından isə apellyasiya şikayəti veriləcək.
İ.Rüstəmzadə Amnesty International təşkilatı tərəfindən “vicdan məhbusu” kimi tanınıb.—06D--
Siyasət
-
98 gündür aclıq aksiyası keçirən İstanbul Universitetinin doktorantı Faziil Qasımov bu gün Bakı Ağır Cinayətlər Məhkəməsində barəsində olan cinayət işinə xitam verilməsi barədə vəsatət qaldırıb. O, saxta pullarla heç bir əlaqəsinin olmadığını və ona qarşı açılan cinayət işin siyasi xarakter daşıdığını bildirib.
-
Sentyabrın 19-da Avropa Parlamentinin deputatları Aİ-yə Ukraynanın Qərb silahlarından istifadə etməsinə qoyulmuş məhdudiyyətləri ləğv etmək çağırışı yer alan qətnamə qəbul ediblər.
-
Sentyabrın 19-da dövlət başçısı İlham Əliyev Ağdam və Xocalı rayonlarına, həmçinin Xankəndi şəhərinə səfər edib.
-
Ukrayna Azərbaycanla kibertəhlükəsizlik sahəsində əməkdaşlığa hazır olduğunu bəyan edib. Bu barədə Ukraynanın Azərbaycandakı səfiri Yuri Qusev Bakıda keçirilən “Kibertəhlükəsizlik Günləri” konfransında çıxışı zamanı bildirib. Qusev, Ukraynanın artan texnoloji infrastrukturunu və onun milli təhlükəsizliyin təmin edilməsində mühüm rolunu vurğulayıb.
Rəy yaz