“Kür” Vətəndaş Qərargahı verilən sorğuları cavablandırması üçün Fövqəladə Hallar Nazirliyini (FHN) məhkəməyə verib. Bu xəbər Turan-a Qərargahdan verilib.
Qurum 1 saylı Bakı İnzibati-İqtisad Məhkəməsinə FHN üzərinə sorğuları cavablandırmaq vəzifəsi qoyulması haqqında iddia verib. İlk məhkəmə prosesi 2013-cü il sentyabrın 13-nə təyin edilib.
Qərargah FHN-ə 2010-cu il Kür daşqınları, habelə 2012-ci il Zaqatala-Balakən bölgəsində zəlzələ ilə bağlı görülən işlər, ayrılan dövlət vəsaitlərinin xərclənməsi yönündə suallar ünvanlayıb. Sualların sırasına Qax-Zaqatala zəlzələ bölgəsində rayonlar üzrə kimlərə və nə qədər kompensasiya verilməsi, zəlzələ bölgəsində tikinti işlərini hansı şirkətlərin həyata keçirməsi, FHN-in bu şirkətləri hansı prinsiplər əsasında müəyyən etməsi, bu haqda imzalanan sazişlərin ictimaiyyətə açıqlanması, fəlakətin nəticələrini aradan qaldırmaq üçün nə qədər vəsait xərclənməsi və işlərin hansı həcmdə yerinə yetirilməsi daxil idi. Bundan əlavə, Qərargah nazirlikdən 2010-cu ilin yazında Kür daşqınlarının fəsadlarının aradan qaldırılması ilə bağlı dövlət büdcəsindən ayrılan 460 milyon manat, eləcə də 2012-ci ilin may ayında Qax-Zaqatala bölgəsində zəlzələnin nəticələrinin aradan qaldırılması üçün ayrılmış 420 milyon manat vəsaitlə (cəmi təxminən 1,1 milyard ABŞ dolları) hansı işlər görülməsi haqda adlı siyahı tələb edir.
Nazirliyə habelə zəlzələ bölgəsində iki,üç, dörd otaqlı mənzillərin smeta xərclərinin təqdim olunması, vətəndaşlara tikilən evlərin rayonlar üzrə adlı siyahısının təqdim olunması, evlərin zədələnməsini qiymətləndirərkən hansı texniki avadanlıq və elmi metodikadan istifadə edilməsinin açıqlanması, evlərin tikintisinin şirkətlərə, təmirinin isə sakinlərə hansı prinsiplərlə müəyyən olunması kimi suallar da ünvanlanıb.
Kür daşqınlarının baş verməsindən 3 il, Qax-Zaqatala bölgəsindəki zəlzələdən isə 1 ildən çox vaxt keçir. Hər iki fəlakətin nəticələrini aradan qaldırmaq üçün 1,1 milyard manatdan çox dövlət vəsaiti xərclənib ki, bunun da əksər hissəsi FHN xəttilə xərclənib. “Kür” Vətəndaş Qərargahı ayrılan vəsaitin həcmi müqabilində görülən işlərin az olması qənaətini ifadə edir. Görülən işlərin həcmi barədə FHN-in ölkə ictimaiyyətinə yekun hesabat təqdim etməməsinə diqqət çəkir. Qərargah vəsaitlərin səmərəli və şəffaf xərclənməməsi mövqeyini ifadə edir. Ona görə də FHN suallar ünvanlayır, FHN isə bu sualları cavablandırmaqdan imtina edir. Bundan irəli gələrək, Qərargah suallarına cavab ala bilmək üçün məhkəməyə müraciət etmək məcburiyyətində qalıb. -05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz