Gülər Əhmədova ...... rolunda (video)

Bu gün İnternetdə Beynəlxalq Universitetin keçmiş rektoru Elşad Abdullayevin parlamentin deputatı Gülər Əhmədovaya bənzəyən 

bir qadınla sövdələşmə aparması barədə videonun yayılması ilə siyasi bomba partlayıb. Söhbət rektorun deputat seçilməsi üçün ödəməli olduğu rüşvətin məbləğindən gedir.

Çəkilişdə Seva adlı başqa bir qadın da iştirak edib. O, danışıqların iştirakçıları arasında vasitəçi rolunu oynayır və qiymət barədə razılaşma aparır.

Videoçarxdan görünür ki, E.Abdullayev şərtlə razılaşıb və 500 min manat verib (manat və ya dollar). Lakin ona deyiblər ki, yenə bu qədər pul vermək lazımdır. 

Lakin rektor buna etiraz edərək bildirir ki, sövdələşmə 500 manatlıq olub və bu pulları verib. G.Əhmədovaya oxşayan qadın tələb edir ki, rektor daha 500 min manat versin.

“Mənim 40 yaşım var və mən belə “razborkalarda” çoxdan  iştirak edirəm. Oğurlanmış qardaşını iki ildir ki, tapa bilmirsən, amma mən onu iki aya tapdım. Siyasətdə davranış qaydaları var. Sən onları dəyişməməlisən. Əgər nə barədəsə razılaşma əldə edirəmsə, öz üzərimə hansısa öhdəliyi götürürəmsə onları yerinə yetirirəm. 500 min manat da ver”, - G.Əhmədovaya bənzəyən qadın deyir.

Rektor buna cavab olaraq deyir ki, əgər onu parlament komissiyasının rəhbəri seçsələr, 500 min verməyə razıdır.

Qadın bildirir ki, komissiyanın rəhbəri Əli Hüseynovdur və onu heç kim dəyişməyəcək.

“Sən mənimlə necə alver edə bilərsən? Mən prezident İlham Əliyevin tərtib etdiyi siyahını pozub ora səni daxil etmişəm, sən bunu başa düşmürsən?”, - qadın hiddətlənir.

Ona təklifin Prezident Administrasiyasının rəhbəri Ramiz Mehdiyevdən gəlməsi və bütün şərtləri yerinə yetirməsi ilə bağlı rektorun şikayətinə cavab olaraq qadın bildirir ki, o, Mehdiyevlə işləmir, Aqillə (ölkə prezidentinin əmisi Aqil Əliyev  nəzərdə tutulur) işləyir. Rektor da deyir ki, iki dəfə Aqilə pul verib, lakin parlamentə seçilməyib və üçüncü dəfə də pis vəziyyətə düşmək istəmir.

G.Əhmədovanın nümayəndələri videoçarxı şərh edərək bildiriblər ki, bu məsələ 2005-ci ildə olub.  Ancaq söhbət Beynəlxalq Universitetin aldadılmış tələbələrinin pullarından gedir və G.Əhmədova onların qaytarılmasını tələb edib. 

Hakimiyyət videoçarxla bağlı  susur. Turan-ın Baş Prokurorluğa müraciətinə cavab olaraq  bu orqanın nümayəndəsi deyib ki, hələlik rəsmi şərh yoxdur.

* Gülər Əhmədova (1965-ci ildə anadan olub) Dövlət Pedaqoji Universitetinin riyaziyyat fakültəsinin məzunudur. Psixologiya elmləri namizədidir.

1986-cı ildən peşə texniki məktəbində, məktəbdə müəllim, direktor müavini olub. 

1994-cü ildən Gənclər və İdman Nazirliyində təlimatçı, şöbə müdiri, idarə rəisi olub.

1996-c ildən Respublika Uşaq Təşkilatına rəhbərlik edir.

Ailəlidir, üç övladı var. Hakim Yeni Azərbaycan Partiyasının üzvüdür.

“Mərkəz” qəzetinin təsisçisi və baş redaktorudur.02V-