Hakim elitanın daxilində səlahiyyətlərin yenidən bölgüsü

Prezident Administrsiyasının siyasi analiz və informasiya təminatı şöbəsinin müdiri Elnur Aslanov öz postundan kənarlaşdırıldıqdan sonra Azərbaycan hakimiyyətinin yuxarı eşelonlarında səlahiyyətlərin yenidən bölgüsü prosesi davam edir.

Bəzi məlumatlara görə, bu şöbə ləğv edilib, onun səlahiyyətləri isə uzun müddət E.Aslanovla rəqabət aparan Əli Həsənovun rəhbərlik etdiyi ictimai-siyasi şöbəyə verilib.

Bu gün Ə.Həsənovun şöbəsində gənclər təşkilatları ilə iş üzrə sektorun yaradılması barədə məlumatlar yayılıb, lakin rəsmən təsdiqlənməyib.

Məlum olduğu kimi, əvvəllər bu istiqamətə E.Aslanovun şöbəsi rəhbərlik edirdi.

Eyni zamanda bu gün məlum olub ki, E.Aslanova məxsus “Yurd-TV” on-line televiziyası da bağlanıb.

Həmçinin KİV-də hakimiyyətyönlü “İrəıli”Gənclər Birliyinə qarşı informasiya hücumları başlayıb. Bu təşkilat hər zaman Azərbaycanın yeni,müasir, öndə gedən gənclərinin siması olub və  İlham Əliyevi dəstəkləyib.

Lakin araşdırmaçı-jurnalistlər təşkilatı ABŞ-dan qrant almaqda, Amerikanın maraqlarına yardım etməkdə və pozuculuq fəaliyyətində ittiham edirlər.

Məlum olur ki, “İrəli” az qala Mərkəzi Kəşfiyyat İdarəsi ilə əlaqədə olub və amerikalılardan Amerikanın sifarişi ilə “rəngli inqilab”ların hazırlanmasında ittiham olunan

NİDA hərəkatının aldığından daha çox yardım alıb. Halbuki, istintaq NİDA-nın ABŞ Milli Demokratik İnstitutu tərəfindən maliyyələşdirilməsi ilə bağlı sübut təqdim etməyib.

Rabitə Nazirliyində şöbə rəisi səviyyəsinə endirilən E.Aslanovun tərəfdaşlarının dağıdılması Ə.Həsənov qruplaşmasının qələbəsidir.06D—