Bakı/13.03.18/Turan: Martın 13-də hökumətyönlü KİV-lər ölkənin şəhər və rayonlarında vətəndaşların sərbəst toplaşması üçün ayrılan açıq və qapalı yerlərin siyahısını açıqlayıblar. Həmin 76 yer "Sərbəst toplaşma haqqında" qanuna uyğun olaraq ayrılıb, məlumatda deyilir.
Qeyd olunur ki, bu yerlər prezident seçkiləri ərəfəsində seçkiqabağı təşviqatın aparılması üçün ayrılıb.
Xatırladaq ki, hər seçki öncəsi hakimiyyət belə siyahı dərc edir. Ancaq müxalifət nümayəndələri bildirirlər ki, həmin yerlər seçicilərlə görüşlər keçirmək üçün əlverişli deyil.
Azərbaycanda növbədənkənar prezident seçkiləri aprelin 11-də keçiriləcək.
Hazırda dövlət başçısı postuna yeddi namizəd rəsmi qeydiyyata alınıb: prezident İlham Əliyev, parlamentin deputatları Zahid Oruc, Qüdrət Həsənquliyev, Araz Əlizadə, Fərəc Quliyev, Müasir Müsavat Partiyasının sədri Hafiz Hacıyev və Xalq Cəbhəsi Partiyasından ayrılan Razi Nurullayev.
Seçkiqabağı təşviqat martın 19-da başlayacaq.-71D-
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz