Hərbi Prokurorluq Qarabağda tapılan cəsədlərin qalıqlarının ekspertizasını aparır

Bakı/04.04.22/Turan: Son vaxtlar Qarabağda tapılan cəsəd qalıqları məhkəmə-tibbi ekspertizaya verilib, Azərbaycan Hərbi Prokurorluğun məlumatında deyilir.  

Mənbəyə görə, söhbət  Daşaltı, Edilli, Sırxavənd, Fərrux və digər ərazilərdə kəndlərdə tapılan qalıqlardır.

Bu qalıqların  Birinci Qarabağ Müharibəsi dövründə itkin düşmüş şəxslərə məxsus olması ehtimal olunur. Bu səbəbdən məhkəmə-tibbi və molekulyar-genetik ekspertizalar təyin edilib, məlumatda qeyd olunur.

Xatırladaq ki, İkinci Qarabağ Müharibəsi başa çatdıqdan sonra azad edilmiş ərazilərdə dinc sakinlərin və azərbaycanlı hərbçilərin kütləvi məzarlıqları aşkar edilib.

Erməni tərəfin məlumatına görə, 107 cəsəd qalıqları Azərbaycana təhvil verilib. Lakin Birinci Qarabağ Müharibəsi zamanı itkin düşənlərin ümumi sayı 4000-ə yaxındır. Bu adamların taleyi indiyədək məlum deyil.

Son qalıqlar Əsgəran yaxınlığında Fərrux yüksəkliyində tapılıb. Bunların 1993-cü ilin yanvarında həmin yüksəklik uğrunda gedən ağır döyüşlər zamanı həlak olmuş onlarla azərbaycanlı əsgərin cəsədinin qalıqları olması ehtimal edilir.16D-