Human Rights Watch beynəlxalq hüquq müdafiə təşkilatı 10 mart aksiyasında iştiraka görə NİDA təşkilatının fəallarının həbsini pisləyib.
Təşkilatın bəyanatında xatırladılır ki, aksiyadan sonra həbs olunan NİDA-çıların sayı 7 nəfərə çatıb. Saxlanılanlar Facebook və Twitter istifadəçiləridir.
Təşkilatın Avrasiya üzrə nümayəndəsi Reyçel Denber bildirib ki, hakimiyyət etiraz edən gəncləri susmağa məcbur etməklə digər fəalları da qorxutmağa cəhd göstərir.
HRW qeyd edir ki, hakimiyyət bundan əvvəl də gənclərin üzərinə narkotik maddələr qoymaqla, ittihamları saxtalaşdırmaqla onları qorxutmağa cəhd göstərib.
Saxlanmış NİDA üzvlərindən bəzisi Facebook-da “Heydər Əliyev” səhifəsini idarə edirlər. Həmin səhifədə hakimiyyətə qarşı tənqidi materiallar, karikaturalar yer alır.
Human Rights Watch qeyd edir ki, NİDA üzvləri saxlanılarkən onların müdafiə hüquqları pozulub.
Human Rights Watch Azərbaycan hakimiyyətini yeddi fəalı azad etməyə, onlara qarşı ittihamları ləğv etməyə çağırır. 16D04-
Siyasət
-
Yanvarın 29-da keçirilən bələdiyyə seçkilərində altı seçki məntəqəsinin nəticələri ləğv edilib.
-
"Bütün siyasi məhbusların azad olunmasını tələb edirik. Siyasi məhbusların sağlıq durumuna görə hakimiyyət məsuliyyət daşıyır", - fevralın 3-də Müsavat Partiyası Divanının (İdarə Heyəti) iclasında bildirilib.
-
Turan agentliyinin iqtisadiyyat şöbəsinin redaktoru Hafiz Babalanın Qafqazinfo.az İnternet- nəşrə qarşı iddiasına baxılması əsassız olaraq yubadılır. Babalı “Abzas Media” nəşrinin işi üzrə həbs edilib.
-
Dövlət başçısının sərəncamı ilə Rüfət Əzizov Azərbaycan Dövlət Neft və Sənaye Universitetinin rektoru təyin edilib.
Rəy yaz