Fransa prezidenti Ollan mayın 11-də Bakıya səfəri zamanı insan hüquqları problemini qaldırmalıdır. Bu barədə Human Rights Watch təşkilatının bəyanatında deyilir.
Ollan enerji və digər məsələləri müzakirə etmək üçün prezident İlham Əliyevlə görüşmək istəyir. Onu Fransanın bir sıra şirkətlərinin nümayəndələri müşayiət edəcəklər.
Son iki ildə Azərbaycan hakimiyyəti hökuməti tənqid edən onlarla adamı, o cümlədən müxalifət liderlərini, jurnalistləri, sosial media fəallarını həbsə alıb, dinc nümayişləri dağıdıb.
Ölkədə əsas azadlıqları daha da məhdudlaşdıran qanun qəbul edilib.
“Ollanın səfəri Azərbaycanda mühüm hadisə olacaq, odur ki, diqqəti insan hüquqları məsələsinin üzərində cəmləşdirmək lazımdır”, - təşkilatın Avropa və Mərkəzi Asiya üzrə direktor müavini Reyçel Denber bildirib.
“Ollan Azərbaycan rəhbərliyini qanunsuz həbsdə olanları azad etməyə çağırmaq fürsətini qaçırmamalıdır”, - o vurğulayıb.
Təşkilat həmçinin Ollanı tanınmış hüquq müdafiəçiləri Leyla və Arif Yunuslarla görüşməyə çağırır.
Onlar aprelin 28-də Bakıdan uçuş zamanı saxlanılıblar və həmkarları Rauf Mirqədirovun dövlətə xəyanətdə ittiham olunması ilə əlaqədar 24 saat dindiriliblər. R.Mirqədirov aprelin 19-da Türkiyədən qanunsuz deportasiya olunduqdan sonra Bakı aeroportunda saxlanılıb.
“Ollan İ.Əliyevə açıq başa salmalıdır ki, Leyla və Arif Yunusların, Rauf Mirqədirovun azadlğı həm onun, həm də Fransa-Azərbaycan münasibətləri üçün böyük əhəmiyyət daşıyır”, - Denber bildirib.
Təkcə ötən il Azərbaycan hakimiyyəti hökuməti tənqid edən 30 siyasi fəala, jurnalist, bloger, hüquq müdafiəçisinə qarşı silah saxlamaq, xuliqanlıq, hətta vətənə xəyanət kimi əsassız ittihamlar irəli sürüb.
Onların arasında tanınmış politoloq, REAL hərəkatının lideri İlqar Məmmədov, Müsavat Partiyası sədrinin müavini Tofiq Yaqublu da var.
Qanunsuz mühakimə edilənlərin arasında 8 nəfər demokratik düşüncəli gənc fəal var. Mayın 6-da onlar saxta ittihamlarla 6 ildən 8 ilədək azadlıqdan məhrum olunublar.
“Azərbaycan hökumətinin onu tənqid edənlərə qarşı repressiyası mayın 15-dən AŞ Nazirlər Komitəsinə sədrlik edəcək ölkənin insan hüquqları sahəsindəki öhdəliklərinə tamamilə ziddir.
“Ümid edirik ki, Ollan sədr postunda olan Azərbaycanın Avropa Şurasının dəyərlərinə sadiq olmaması ilə bağlı mövqeyini açıq bəyan edəcək”, - Denber vurğulayıb. -02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz